Физикин гүн ном дасчах ик сурһулин оютнр грант шүүж авсмн

Физикин гүн ном дасчах ик сурһулин оютнр цуг Әрәсән марһана грант шүүж авсмн. Школд сурһуль сурч йовх сурһульчнр физикин кичәлиг дурлхш. Хальмгин ик сурһульд физикин әнгд сурһуль сурчах баһчуд эн номд йир дурта улс болж медгдв.

Цуг Әрәсән марһанд орлцад гран шүүж авсн Ик сурһулин физикин әнгд сурһуль сурч йовх баһ наста номтнр Алдар Кашранов болн Михаил Тагиров эврәннь бичсн проектн көдлмшән эклв. Эндр өдр насарн баахн болв чигн бәрсн күцәмжәрн байрта бәәнә. Эднә кесн проект цааранднь олн улст нилчән күргхмн. Физикин ном йир күнд ном. Бичкн цагасн авн эн көвүд школд сурһуль сурхларн эн номд дуран өгсн билә. Хөөн школан чиләснә хөөн Ик сурһульд ирв. Ода болхла доцент Рустам Бесенгалиевин кесн көдлмш үзж болхмн. Эврәннь көдлмшән кехләрн дангин өөрхн суух кергтә. Шишлн техникар көдлж болшго, оньган өгх хәләнәвидн.

Михаил Тагировин келсәр эндр өдр энд көдлхд таасгда, олн зүсн соньн юм меднәв, багшнр сүв селвгәрн нөкдән күргнә. Баһ наста номтнр эврәннь шинжлтын көдлмшән эн лабораторьт давулна. Иргч зурадан Ик сурһулин багшнр хойр минһн арвн тавдгч жил күртл шишлн техник хулдж авхар зуралгжана.

Физикин кафедрин ахлач Александр Батыревин келсәр эндр өдр иим баһчудт дөн нөкд күргх кергтә. Юнгад гихләг иргчдән эдн гүн номтнр болад кесг проект бичәд Әрәсән болн талдан чигн орн нутгутд оч нерән тууурулх.

Эн кафедрт көдлсн багшнр цуг чидлән сул цаган баһчудт нерәднә. Тәвсн сурврмудт дангин хәрүһинь өгнә. Цааранднь чигн эврәннь баһчудан урмдулхар зүткжәнә.

Валентина Чучеева, Алексей Ирчинов