Сеулд дамшлтан өөдлүлх
Настольн теннисн танһчин марһанд диилвр бәрсн Баһ Дөрвдә сурһульч Баир Бадмаев хойрдад Сеул балһснд одх. Марһанд танһчин цуг райодас һучн хойр спортсмен дииләчән йилһв. Товчлгч нааднд дәкнәс Лаганя элч арвн дөрвн наста Артем Говоров болн Баһ Дөрвдә теннисист Баир Бадмаев диилвр бәрхәр зүткв. Баир диилвр бәрв. Эн саамд Өмн үзгин Корейд одх зуг нег путевк ийлһж өггдв.
Хойр минһн дөрвдгч жилин Олимпийск наадна чемпион Рю Сынг Мина мөрән төлә арвн — арвн дөрвн наста көвүд-күүкд дунд настольн теннисн танһчин марһанд Хальмгин райодын Һучн нәәмн уйн наста спортсмен орлцв. Өмн үзгин Корейин спортивн школд дамшлтан өөдлүлх зөвин төлә товчдлгч нааднд Лаганя элч арвн дөрвн наста Артем Говоров болн Баһ Дөрвд селәнә спортсмен арвн негн наста Баир Бадмаев дииләчән йилһв. Давсн жил эн хойр теннисист Сеул балһснд олдх путевк шүүж авла.
Баир Бадмаевин келсәр, Өмн үзгин Корейин цуг балһсдт одх саам учрв. Тенд дамшлтан өөдлүлв. Сул цагтан амрад, олн һазр эргв.
Эн жил промоуторск цутхлнг зуг нег күүнд иим зөв өгв. Эн цутхлнг цуг мөнгнә һаруһинь даах. Компаня элч, зерг Ким Джонг Мин болн хойр минһн дөрвдгч жилд Афины балһснд болсн олимпийск наадна настольн теннисин чемпион Рю Сынг Мин Элст балһснд ирәд, билгтә көвүд-күүкдиг шүүж авх зурата. Эдн шуудтан Сеул балһснас ирж. Әрәсән талдан регионмудын элчнр эднлә нөкцлт кехин утскар сурна. Зуг хальмг танһчин көвүд-күүкдт дамшлт хоршах иим арһ өгчәнә.
Сойлын болн спортын нарта-делкән ниицәәнә ахлач Ким Джонг Мин келсәр, олимпийск чемпиониг өкх кергтә. хальмгт тренермуд ховр. Нөкд болх кергтә.
Марһанд диилвр бәрсн көвүд-күүкдт болн призермудт ачлврмуд бәрүлж өггдв.
Бичкдүдин спортивн школын директорин дарук Александр Кекеевин келсәр, мана танһчд иим керг-үүлдвр олз-туста. Иргч хойр минһн арвн дөрвдгч жилд бас иим керг-үүлдвр бүрдәгдх. Тхеквондон халхар хамцу нөкцлт кех зура бәәнә. Әрәсән хамцу командын ханьд хальмгин бөкнр бас оржана.
Тер саамд Баир Бадмаев 2:1 тооһар диилвр бәрж чадв. Зуг олимпийск чемпион Рю Сынг Минд шүүгдв. Удл уга Хальмгин спортсмен Өмн үзгин корейд одад, спортивн дамшлтан өөдлүлх.
Хавтхна Элла, Эрнжәнә Эрднь
