Яшкульск района Гашунский поселкд тротуарн плитк кеж һарһдг эврә цех көдлжәнә
Яшкульск района Гашунский поселкд тротуарн плитк кеж һарһдг эврә цех көдлжәнә. Эн цех ик заводла дүнцүлж болшго, тер бийнь эднә кесн продукц районд күрчәнә. Баһ наста арһлач Евгений Васькиев болн энүнә нәәж Олег Петренко шин цех цөн сар хооран секв. Көдлмш уга улсиг государствин халхас дөннлһнә программ иим сән нилчән күргх гиж арһлачнр иткжәсн уга. Дәкәд болхла шин цехд селәнә улс көдлжәнә. Келхд, Гашунский поселкин арһлачнр районд түрүн болж иим керг эклсн бәәж. Өрәл жилин эргцд эднә продукциг Хальмг Танһчин улс болн Өмн үзгин федеральн округин регионмудын элчнр ирж хулдж авна. Түрүн авгтан арһлачнр шангас тәвн нәәмн минһн арслнг дөнцл мөнг авсмн. Эднд селәнә болн района һардачнр бас нөкд болв. Цехин гериг эднд өнгәр йилһж өгв. Зуг ода эн гер бичкн болжана. Юнгад гихлә, баһ наста арһлачнр талдан чигн продукц кеж һарһжана.
