Хар Һазра районд малын төлә һәәхүлин комплекс тосхгдв

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Хар Һазра районд малын төлә һәәхүлин комплекс тосхгдв. Энүг австралийск тосхлтын эв-арһар бәрв. Иим комплекст мал өскхин төлә цуг кергтә таал бүрдәгдв. Мана үүдәгч баг шин тосхлтыг эврәннь нүдәрн үзв.

Племзаводын директор Доля Лукшановин келсәр, иим һәәхүлин комплекс бәрх зура ик кезәнә сананднь орла. Эндр өдрт эдл-ахуд нег минһн толһа бод мал болн хөрн һурвн минһн хөн бәәнә. Жил болһн племзавод малмудан олн-зүсн һәәхүлмүдт авч одад, өөдән ачлврмуд шүүж авна. Болв урднь хөд сәәнәр өскхд ирлцнһү таал уга бәәсмн. СНХ Черноземельский нертә акционерн ниицәнә генеральн директор Доля Лукшановин келсәр, иим комплекс эрк биш кергтә. Зунын кемд дегд догшн халун болжана. Эдл-ахун мөнгәр бәәрн көдләчнр комплекс тосхв. шангас бас нөдк ирв. Ут-тоодан тавн зун далн минһн арслнг һарв гиж Лукшанов келнә.

Лукшановин келсәр, комплекс бәрхин төлә ик мөнгн кергтә болв. Болв иим тосхлт кесг төр хаһлв. Инновационн эв-арһар тосхгдсн павильон күсдундур метр свай деер зогсжана. Мал бәрхд энд цуг таал бүрдәгдв. Тегәд хөд цевр, хог бог икәр хурхш. Хөөдт ямаран чигн цагт цуг халхаснь таалта болв. СНХ Черноземельский племзаводын ах зоотехник Хонһр Бистеевин келсәр, хөд дегд икәр киртхш. Урднь нег-негнәсн киртәд, ноосн му чинртә болдг билә. Тегәд эдниг уһах төр һардг бәәсмн гиж зоотехник келнә.

Зотехник Бистеевин келсәр, ода хөөдин ноосна чинрнь ясрв. Энн бас сән керг. Юнгад гихлә, хөд кирһлһнә көдлмшин ашар, эн жил далн долан тонн торһн ноос кирһж авгдв. Келхд, эдл-ахуд шин тохма хөд һарһв. Эдл-ахун һардврин келсәр, иргчдән эн көдлмшиг цааранднь күцәх зура бәәнә. Тегәд малчнрт кеж күцәх көдлмш дала. Ирх жилмүдт эднә мал цугәрәсән һәәхүлмүдт бас сән үзмж бәрх гисн ицл бәәнә.