Элст балһсна хөрн дөрвн өрк-бүл шин патьр авсн бәәнә

Элст балһсна хөрн дөрвн өрк-бүл шин патьр авсн бәәнә.Эднд байрин бәәдлд патьрин түлкүр бәрүлж өггдв.” Хуучн герәс — шин герт” — гидг программар бәәр авх саам эднд учрсмн.

Дөрвн хората шин патьрт орсн ода күртл нанд иткгджәхш — гиж Элст балһсна бәәрн күүкд күн Ирина Босхомджиева кеклнә. Эврәннь ик өрк-бүлтәһән дөч һар жилдән эдн Клыковин нертә уульнцар бәәх хучн герт бәәсмн. Тер хуучн гер кезәнә аврийн гиж толгдсмн. Кезә нег цагт орань Эс гиж эрснь нурад унх гиж зөвәр әәдг биләвидн. Ода болхла санамр. мана гер балһсна цутхлнгас уужмд бәәдг болвчн школ өөр, автобусмудин зогслт бас холл биш гиж Ирина Босхомбдиева байртаһар келнә. Хавртан һарад, шин гериннь эргнд олн-зүсн цецгәс суулһх санан бәәнә гиж цааранднь келнә.

Өдгә цагт Ирина Эрдниевна өөр бәәх улслаһан хамдан шин патьран ясч белджәнә. Күн болһн эврә хората салу унтх орм, бийән уһад хоран цугтан дигт-дарата гиж эдн байрарн хувалцна.

Балһна 2-гч микрорайонд босхгдсн эн герин тосхлтд һучн тавн сай арслн һарсмн. Нег жилин эргцд эн гер тосхгдсмн. «Хучн гермүдәс-шин бәәрнд» гидг федеральн программан иим арһ маднд өгв гиж босхгдсн Гериг эдлврт оруллһна байрт орлцсн танһчин толһач Алексей Орлов темдглв. Цааранднь чигн эн программар һардвр кеж шин гермүд тосһх арһ бәәнә гиж танһчин толһач иткүлв.

Эндр өдр дәкәд дөчн һурвн герин әмтн шин бәәр күләжәнә. Зөвәр хуучрсн гермүд балһсна бәәдл муурулсн деерән тенд бәәх әмтнә эрүл-менддн харшан күргжәх болжана. Шин патьр хулдж авдг арһ уга улс шин патьр күләһәд хуучн гермүдт бәәх болжана. Эн халхар балһсна һардачнр бас санамр суужахш. Дарук жилд минһ һар күн басхуучн гермүдәс шин патьрмудт орхмн.

Оржах шин жилд Калачинский нертә уульнцар олн патьрмудт шин гер тосхгдхмн. Энүнә төлә цуг арһчидлән негдүлж үүлджәнәвидн гиж балһсна мэрийин толһач Артур Дорджиев темдглв.

Шин жилин өмн өргнд шин патьр авсн 24 өрк-бүл байрта бәәцхәнә. Эн йовдл маднд шин жилин йоста белг болжана гиж эдн келцхәнә.