Хальмг Танһчд хаалһд зеткртә йовдлла харһсн улсин төлә медицинск туслмж өөдлһнә федеральн программ дөнгән күргх

Эндр өдр Хальмг Танһчд хаалһд зеткртә йовдлла харһсн улсин төлә медицинск туслмж өөдлһнә федеральн программ дөнгән күргх. Дигтә эн туст Көтчнрт, Баһ-Дөрвдә болн Үстин райдт шишлн дөн күргһнә шишлн пункт секгдсн билә. Элст балһсн үүлджәх пунктд ясврин көдлмш кегджәнә.

Ясврин көдлмш травмотологическ цутхлнгд давсн дилин декабрь сард эклсн билә. Эндр өдр 90 процентд ясвр кегдв. Келхд, эн әнгд ясврин көдлмш хөрн зурһан жилдән кегдсн уга билә. Ясврин көдлмшиг көдләчнр тосхлтын дорд үзгәс эклв.

Вячеслав Кикеевин келсәр эндр өдр эн туст жирн дөрвн сай арслн йилһгдж өггдсн билә, өрәлнь бидн эдлврт оруллавидн. Үлдснь ода ясврт орулх санатавидн.

Йилһгдж өгсн мөнгн күрх, дорд үзгд тосхлтын, эрс ширһлһнә көдлмш кегджәнә. Кабинет болһнд шишлн линолиум, коридорт наливной пол делгв. Ода болхлаг эндр өдр кергтә медицинск оборудовань орулгджана. Негдгч давхрт өдгә цагин некврлә ирлцжәхх рентген оборудовань тәвгдх, шин операцион бас эн бәәх, урднь тиим кабинетмуд уга билә. Хойрдг давхрт реанимацин хора бәәх. һурдвгч давхрт траматологическ әнг болх.

Хальмг Танһчин ах хирург Николай Шараповин келсәр хальмг танһчин эрүл менд харллһна министерст эн туст һурвн зун хөрн сай арслн йилһж өгсн билә.

Йилһж өгсн мөнгнәс хойр зун тәвн сай арлснгт жирн медицинск оборудовань хулдж авгдсн билә. Эндр өдр эн оборудованья маран болв чигн гемиг тер дарунь шинжх.

Негдгч травмцутхлнгин ахлач Санл Манджиепвин келсәр шин оборудовань хаалһд учрсн зетртә йовдлд туссн әмтнд дөн нзөкдән дарунь күргх.

Эндр өдр эн әнгд көдлжәх дәкәд шинкән ирсн эмчнр дамшлтан өөдлжәнә. Иргчдән сән медлр авсн әмчнр шин техник олзлад кесг әмтнд дөн нөкдән күргх.

Азыда Надежда, Ирчин Алексей