Улан-Хөөч эдл ахуд хөд хурһлһна компань төгсжәнә

Улан-Хөөч эдл ахуд хөд хурһлһна компань төгсжәнә. Энүнә ашт малчнр арвн нәәмн минһн долан зун тәвн хойр хурһд авб. Специалистнрин тоолврар давсн жиләс хурһудын то өсв. Цөн өдр цавад ээл ахуд хөр кирһлһнә көдлмш эклхмн.

Ах хөөч hәрән Нарана келсәр үвл дегт киитн болснь болв чигн хөөдин то баһрсн уга. Өда болхлаг энүнә эдл ахуд хөд хурһлһна көдлмш эклсн билә. Боожсн хурһд экән дахад теегт бәәршлнә.Наран hәрәев жил хооран хөд өскхәр эдл ахуд көдлжәнә. Урднь болхла энүнә экцкнь аавнь малын ард йовдг бәәсмн.

Мана өвкнр ик кезәнәс авн малы нард йовад өрк бүлән элгн садан махар тосад тежәдг бәәсмн. Өдгә цагт мал угаһар бәәж болшго тер юнгад базрт хулджасн махн йир үнтә, дулан өдрмүдлә кеер хурһд дарунь өсх — гиж малч Наран Горяев келв.

Малч Манжин Алексейн хәләврт нег минһн хойр зун хөд бәәнә. Хойр жил хооран хөд өскхәр седсн малчиг Улан-Хөөчин ахлачнр зөвән өгәд энүнә хәләврт зун һучн хөд дәукәд зун хөрн минһн арслн мөнгн өгсн билә. Эн дөннлһән ашт түрүн авгтан өвс хот хулдж авсн билә. Хөөдиг өдртән хойр дәкж услнавидн, сүл жилмүд халун харшан күргжәнә.

Өдгә цагт эн эдл ахун хөөчнр хөд кирһлһнә компанян сән кевәр давулхар седжәнә. Хөд кирһлһнә бәәрнд цугнь белнь бәәнә. Косметическ ясвр кегдн билә. Юрий Менкен-Баирован келсәр өдгә цагт техник ик дөнгән күргнә, кирһлһнә көдлмшән цөн өдр давад күцәхмн.

Өдгә цагт улан хөөч нертә эдл аху кирһсн хөөдин ноосыг талдан балһснд хулдна. Нег хөөнәс дөрвн һар ноос һарна. Эн эдл ахуд шишлн лабораторь бәәнә.

Сүл жилмүдт бидн эврәннь ноосан Нижний Новгоррод балһсд хулданваидн — гиж баатр бикеев ах зоотехник келв.

Келхд, улан хөөч нертә эдл ахун ахлачнр эндр өдр хөд кирһдг улст сән жалв, күндлһнә һашгар болн үнтә белгүдәр ачлна. Хөд кирһлһнә керг үүлдврт эн эдл ахуд танһчин талдан эдл ахуһас эмтн ирж дөнгән күргнә.

Энән Ольга, Дмитрий Джамбинов