Городовиковск балһсна бичкүдин гер эврәннь 90 жилин өөнән темдглжәнә

Городовиковск балһсна бичкүдин гер эврәннь 90 жилин өөнән темдглжәнә. байрин керг-үүлдврт эдн өссн көвүд-күүкд болн гиичнр орлцв.

Төрхәрә цагасн авн Дмитрий Онкоров эн бичкдүдин герт бәәнә. Тер цагасн авн хөрн зурһан жил давв. Йовдг һазр уга болад Дмитрий энд көдлхәр үлдв.

Дмитрий онкоровин келсәр эн бичкдүдин герт багшнр дала медрл өгсн билә, нанд нөкд болх күн уга. Энд көдләд тиигәд һанцхарн бәәнәв.

90 жилин эргцд Городовиковск бичкдүдин герт хойр минһн һар көвүд күүкд сурһуль авад жирһлин хаалһ орв. Өөнд ирсн көвүд күүкд бичкдүин герт давулсн цаган тодлв.

Өссн болв чигн бидн бичкдүдин герән мартшговидн. Эндр бидн ахнр дүүнр болад өсләвидн. Эндр өдр эн бичкдүдин герт 25 көвүд күүкд бәәнә. Давсн жилд һурвн бичкн Италь орн нутгт бәәх өрк бүл көвүшлж авв. Эднә жирһл тенд йир сән болв. Эк эцкнр эдн цуг килмжән тусхав.

Городовиковск балһсна бичкдүдин герт Наталья Новикова һардачла хамдан кесг дамшлта багшнр сурһмжлачнр көдлжәнә. Хамгин үтүрнд эдн бичкдт сән медрл өгч үүлднә.

Эн жил бичкдүдин гер төгсәжәх баһчуд хоорндан ни негн кевәр бәәж үүрлднә. Концертд ирсн улс багшнрт болн бичкдүдт бүлән үгән нерәдж үнтә белгүд бәрүлж өгв.

Хальмг Танһчин эрдм сурһулин номин болн сойлын министр Лариса Васильевнан келсәр эн өөнд ирсн улс хамгин түрүнд бичкдүдин төлә ирсн билә. Эднлә таньлдж цааранднь дөн нөкдән күгх сана зүүжәнә.

Бичкдүдин гет бәәх бичкдүдт бүлән хәләц болн килмж кергтә. Өдр болһн бичкдүд эк эцкән күләнә. Тер юнгад гихлә өрк бүл бәәхлә ямаран чигн зовлгасн хамдан һарч болжана.

Кермен Санкуева, Анатолий Хаптаханов