Эндр тәмк татлһнла ноолда келһнә нарта-делкән өдр

Эндр тәмк татлһнла ноолда келһнә нарта-делкән өдр. Жил болһн Әрәсәд тәмкәс көлтә З00 минһн күн өнгрнә. Эмчнрин келсәр, тәмкәс көлтә зүркнә гемәр гемтсн улсин то жил ирвәс өсәд йовна. Тегәд чигн баһчудын эрүл-менд муурад йовна. Эмчнрин келсәр, тәмкәс көлтә зүркнә гемәр гемтсн улсин то жил ирвәс өсәд йовна.

Нарт делкән эрүл менд харллһна организацин кесн то дигәр Әрәсәд жил болһн һурвн минһн тәмк татсн күн өнгрнә. Эннь то хаалһд зеткртә йодлвын ашмудын болн СПИД гемәр гемтсн улсас дегд ик болж һарчана. Тәмк татсн күн олн жилдән тәмкән хайж чадхш.Хайсн хөөн дәкәд тәмк татх дурн күрнә.

Далн һурвн нас зүүсн медәт һучн жилдән тәмк татна. Эн залу һучн жилин эргцд тәмкнә үлмәд бәәнә. Кесг дәкж хайхар седсн билә. Болв хайж чадсн уга.

Сүл цагт кесн сурлһна ашар тәмк татсн улсин ик зунь тәмк эрүл мендт харшан күргжәхш гиж тоолна болв эннь буру ухан тоолвр болжана. Ик зуудан тәмкән хайх дурн бәәнә, болв кесгнь эндр өдр тәмкән хайсн уга. Тедн дунд 17 көвүд күүкд.

Эн баһчудн келсәр тәмк күн болһна эрүл мендт харшан күргнә. Тәмк татсн улс зүркнә гемәр гемтнә, эндр өдр осч йовх баһчуд тәмк бичә татха гиж баһчуд эврә сүв селвгәрн хувалцжана.

Эндр өдр кесг эмннлһнә эв арһ бәәнә. Тиим эм тәвн арслн күрнә. Мөнгн уга цагт кесгнь иим эм хулдж авхд арһ уга болна. Медицинск училишин уул деер бәәх «Здоровье» гидг цутхлнг күн болһн бийән шинжлж авч чаджана. Энд көдлжәсн эмчнр, специалистнр өгсн анализ шинжлж хәләснә хөөн ашнь бичнә. Тәмк татсн ик зунь зуркнә оошкин гемәр гемтнә.

Галина Оичрован келсәр эндр өдр нааран цөн күн ирнә. Ирсн улс күүндврин хөөн тәмкән хайнав гиж келнә болв ик зүнь күслдән күрхш.

һучн-һучн тавн насндан тәмк татсн улс кесг жилдән бәәх гиж специалистнр келжәнә. Жирн % тәмк татсн улс эн үүлмәһәс һарх сана зүүжәнә, найн % тәмкән хайхш. Эрүл менд бәәхин төлә күн болһн эврән ухалх зөвтә.

Колдан Наталья, Очра Сергей