Физкультурин багшнрин марһан болв
Компьютермудын болн социальн сетьмудын ормд баһчудыг талдан эрдмәр соньмсулх кергтә. Багшнрин тоолврар, өдгәц агин сурһульчнр дегтр умшхин ормд бүкл өдртән компьютерин ард сууна. Эдниг зуг спортын дөнгәр энүнәс салһж авч болх. Энүнә төлә баһчудг яһж соньмсулхмн? Эн сурврт физкультурин хамгин сән багшин нер зүүх марһанд орлцсн багшнр хәрү өгчәнә.
Үзүлврин кичәл өггдв. Городовиковск балһсна тренер-багш Руслан Сафроновд Элст балһсна хөрн негдгч школын ах классмудын сурһульчнрла баскетбольн кичәл давулх жирв харһв. Марһана өмн өргнд тавн минут үлдхлә багш көвүд-күүкдлә таньлдв. Тегәд спортын плошадкт болсн кичәлиг хәләхд соньн болв. Танһчин эрдм-сурһулин министерствин әнгин ахлач Санл Очировин келсәр, иим даалһврт багш сурһульчнрла хәрлцә тогтах зөвтә, эдниг соньмсулх неквртә. Кичәлин зәрм халхнь бичкддүт өвәрц шин болх зөвтә. Танһчин эрдм-сурһулин министерствин әнгин ахлач Санл Очировин келсәр, эврәннь сурһульчнрла хәрлцә бәрдг эрдм, педагогическ некврмүд, багшлһна эв-арһ олзлһн тоод авгдна.
Үзүлврин хөөн көвүд-күүкдлә харһад күүндә саам учрв. Муурад әмсхләд бәәсн көвүд-күүкдт кичәл таасгдснь медгдв. Эн көвүнә келсәр, наадн дегд соньн болв, цаг яһж давснь медгдсн уга. Кичәл йир соньн болв. Урднь иим кевәр сурдго бәәж. Шин дамшлт авч. Шуугата сән кичәл болв гиж эн келв.
Профессиональн эрдмин марһанд зурһан багш орлцв. Эдн цугтан шүүврин девснгд диилвр бәрсн билә. Иим марһан цуг райодын немр эрдм-сурһулин учрежденьсин багшнрин дунд болсмн. Эднә келсәр, товчлгч девснгд даалһвр күнд болв. Тер тоод эврәннь тускар келж өгх болн олзлжах эрдм-сурһулин программан харсх кергтә бәәсмн. Ик-Буурла районас ирсн багш Санж Лиджиевин тоолврар, баһ наста багшнрт иим марһанд орплцхла, дамшлт хоршагдна, профессиональн эрдм өөдлнә. Энүг талдан чиггн багшнр дөннжәнә. Ик-Буурла района бичкдүдин спортын школын директорин дарук Виктория Манцаеван келсәр, немр эрдм-сурһулин багшнр болад, дорас өсж йовх бичкдүд гүн медрлтә болсн деерән, чанһ-чиирг болх зөвтә. Эрүл-дорул кеәвр эдн бәәх зөвтә.
Эрүл-дорул кевәр бәәлһнә программ зуг марһанас тогтхш. Танһчин нертә спортсменмүдиг өскж белдсн багшнр-тренермуд физическ культурар болн спортар олн бичкдүдиг соньмсулх күцл тәвжәнә. Эднә ик зунь иим көдлмшиг сән үзмжтәһәр күцәжәнә. Дөрлдәнә бүрдәһәчнрин келсәр, эрдмин марһан хамгин сән гисн тернер-багшнрин дамшлт товчлж болх.
Чучян Валентина, Котина Валерий
