23 апреля 2013, 14:50
Оютнрин фестиваль эклв
Эндр “Российская студенческая весна” нертә цугәрәсән фестивалин танһчин девснг эклв. Иим керг-үүлдвр жил болһн кегднә. Фестиваль хойр девснгәр давулгдх. Түрүн девснгь — шүүврин девснг. Энүнд танһчин деед сурһулин олн оютнр орлцжана. Эдн ду дуулдг, би биилдг болн нааднд орлцдг эрдмтә. Мана телерадиокомпаньд журналистикин эрдм дасжах баһчуд цуглрв. Эдн эргндк йиртмж харлһан төрәр көдлмш бичх даалһвр авв. Эврәннь материалмудан болн видеосюжетмудан эдн жюрин хәләврт эндр орулж өгх зөвтә. Манһдур гала-концертин йовудт байрин бәәдлд оютнрин форумин дииләчнрт болн призермудт ачлврмуд бәрүлж өггдхмн.
