Федеральн хаалһд зеткртъ йовдл учрв
Ода эн болн талдан төрмүдин тускар тодрхаһар. Һарцан зеткртә йовдлын туск зәнгәс эклжәнәвидн. Эндр өрүн Элст — Волгоград хоорндк хаалһин йирдгч дуунад пассажирск автобус орлцата зеткртә йовдл учрв. Энүнд аца зөөдг автомобиль болн Дагестанас йовж йовсн Сетра автобус цоклдж. Урдаснь кесн то-дигәр автобусин салонд һучн һурвн күн йовж. Зеткртә йовдлын ашт хойр күн шавтв, тер тоод нег бичкн күн. Әмнәсн хацһсн күн уга. Тенд мана үүдәгч баг көдлжәнә. Эднә белдсн материал дарук һарцд хәләж болх.
Дигтә нег жил хооран хаалһд учрсн зеткртә йовдлд гемтә күүг Яшкульск района зарһин шиидврәр тавн жилд түүрмд суух засгла харһулв. Дәкәд нег тодлад келхлә, хойр минһн арвн хойрдгч жилин августын арвн йиснд Әәдрхн —Ставрополь хоорндк хаалһин хойр зун һучн хойрдгч дуунад Яшкульск района аһуд Астраханск облатсин бәәрн күн автобус залж йовад, зөрүд хаалһд һарад, аца зөөдг машинла цоклдсмн. Салонд дөчн зурһан күн бәәж. Зеткртә йовдлын ашт хойр күн әмнәсн хаһцв, кесг күн шавтсмн.
