Элст балһсна хаалһд муниципальн автобусмуд экләд йовх

Тадн танһчин зәнг шуд эфирт хәләжәнәт. Һарцан цаарандан өгчәнәвидн. Ода талдан төрмүдин тускар. Дарук долан хонгас авн Элст балһсна хаалһд муниципальн автобусмуд экләд йовх. Хальмг танһчд региона толһач Алексей Орловин дөнгәр болн седвәрәр олна көлгн-күчнә көдлмш бүрдәлһнә социальн төсв күцәгджәнә. Эн долан хонгин чилгчәр Элст балһснд ПАЗ нертә өдгә цагин некврлә ирлцәтә шин автобус ирх. Эдн августын хөрн зурһанас авн экләд көдлх. Түрүн автобусмуд негдгч, тавдгч, зурһадгч, арвн доладгч болн арвн йисдгч маршрутмудт әмт зөөх. Шин автобусмудт Глонасс систем болн тахографмуд бәәнә. Эндр өдрт автобусмудын жолачнрин хань тогтагдв. Нег йовлһна үн арвн арслнг тогтах. Төсв социальн болснас иштә ветеранмудт, пенсионермудт, инвалидмудт болн баһ тетквртә өрк-бүлмүдт льгот өггджәнә.

Дигтә эн төрәр мана сайтд сурвр өггджәнә. Тадн муниципальн автобусар йовх санатавт аль угай? Һурвн хәрүһәс негинь шүүж автн. Негдгч хәрү — иим автобусмудыг ик кезәнәс авн күләжәнәвидн. Юнгад гихлә, эннь хамгин әәмшг уга олна көлгн-күчн болжана. Хойрдгч хәрү — иим автобуст льгот өгхинь күләжәнәвидн. Тер мет энүнд йовлһн кимд болхла сән болх. Һурвдгч хәрү — урдк кевәр маршрутн автобуст йовх санатавидн. Юнгад гихлә, иим көлгн-күчәр одх һазртан түргәр күрх арһ бәәнә.

Мана сайтд орад ухан-тоолвран медүлж чаджанат. Сурлһна ашиг асхни һарцдан диглхвидн.