Аршань поселкд Алдр Диилврин байрт нерәдгдсн линейк болв

Аршань поселкд Диилврин салдснрт болн тылын көдләчнрт нерәдгдсн мемориальн эрсин өөр эндр Алдр Диилврин жирн нәәмдгч жилин ончта өөнд нерәдгдсн байрин линейк болв. Энүнд сурһульчнр, дәәнә ветеранмуд болн Аршан поселкин бәәрн әмтн орлцв. Келхд, мемориал Төрскнч нертә седвәрч багин Аршанск селәнә арвн тавдгч школын ах классмудын сурһульчнрин чидләр секгдв. Эн кергш-үүлдвр “Я — гражданин России” нертә социальн төсвәр күцәгдв. Байрин митингд көвүд-күүкд дәәнә ветеранмудыг йөрәв, эднд санлын белгүд бәрүлж өгв. Митингин чилгчәр олн улс мемориальн самбрт цецгүд тәвәд, Диилврин салдснрин санл тодлв. Төрскән харсгч дәәнә ветеранмудын нерн деерәс Василий Егорович Закоркин баһчудт эдниг күндлж йөрәснд ик ханлтан өргв.