Өртә жолачнриг илкгдч авллһнд зарһин приставмуд дөн күргжәнә

Эндр өдр өртә жолачнриг илкгдч авллһнд зарһин приставмуд дөн нөкдән күргжәнә. Эдн ГИБДД-н көдләчнрлә хамдан Элст балһсна уульцст һарад шалһлһна көдлмш күцәв.

Эндр өдр өртә жолачнриг илкгдч авллһнд зарһин приставмудт ГИБДД-н кодләчнр дөн болв.

Жолачнрин кергтә цаас хәләснә хөөн эднә нер уснь ГИБДД-н шишлнг көрнгд орулгдв. ГИБДД-н көдләчнр эн жолачин машиг түрүн зогсав. Тавн минутын күүнврин ашт эн жолач өртә биш. Энүнә келсәр эндр өдр тиим керг үүлдвр дангин бүрдәх кергтә тер юнгад гихлә данһцаһад уга пошлин, ялын болн алвна мөнгән әмтн өгхәр седхш.

Арвн минутн эргцд негдгч микрорайонд полицын көдләчнр кесг жолачнриг зогсав. Цуг зогсасн жалачнрас негнь цаглань өрән хазнд өгсн уга болж медгдв. Зарһин пристав Николай Очировин келсәр шишлнг көрн секч хәләхлә эн күн зурһан зун арвн дөрвн арслнг өртә болв. Зарһин пристав Вера Джанджиеван келсәр эн өртә жолач дор ормдан мөнгән өгх. Мөнг орулсна цааснь бидн бичүлж өгнәвидн.

Хойр часин эргцд Зарһин приставмуд ГИБДД-н көдләчнрлә тәвн һар жолачнриг зогсаһад кергтә цааснь хәләв.

Келхд, тер өдр һанцхн негдгч микрорайонас долан минһн арслнг хураж авб. Эн жилин туула сарас авн тиим көдлмшин ашт Хальмг Танһчин хазнд хойр зун тәвн минһн мөнгн орлуж өггдв — эн тускар маднд зарһин приставмудын пресс секретарь Делгр Бодгаева келж өгв. Иим көдлмшиг бидн дагин давулнавидн тер юнгад гихлә ялд унсн әмтн эврәннь мөнгән эврә дурарн өгч чаджахш. Шишлн пункт хулд гүүлгнә нег заалд углгдв. Цөн цаг давад дәкәд тавн минһн арслнг цуглурж приставмуд цуглурж авб. Эннь данһцаһад уга пошлин, ялын болн алвна мөнгн болж һарчана.

Давсн жилин имм керг үүлдврин ашт хальмг танһчин хазгд тавн зун минһн арслнг орулгдв. Эн давулгдсн көдлмшин ашинь диглхлә һурвн күүнә өлг —эднь бәрж авлһв.

Колдан Наталья, Хулхачин Николай