«Сын Курталинского ущелья» нертә спектаклиг бичкдүд үзв

Эн өдрмүдт хальмгин бичкдүд шин соньн наад үзж чадх. «Сын Курталинского ушелья» нертә спектаклиг Осетин артистнр тәвжәнә. Келхд, 2 долан хонг хооран мана үйн наста хәләһәчнрин театр «Далн хойр худл» нертә наадныг Аланя көвүд-күүкд үзүлв.

Сәәхн хувцта наадһас, кавказск улсин лезгинка би биилсн деерән ду чигн дуулна. Ке ссәхн тәәз болхла уулта Осетин мет кеерүлсн бәәнә. Эн театрин Ах режиссер Андрей Кокоевин келсәр эн наадн олн улст таасгдна. Хальмг Танһчур авч ирсн мана наадн бичкн бөдүн улст чигн таасгдна.

Эн тууль юууна тускар гиж сурхла? Эн түүль хамгин түрүнд талдан келн улс болв чигн хоорндан ни негн бәәлһнә тускар эн тууль болжана. Эн туулин һол дүрнь эннь угатя болв чигн йир цаган седклтә баһ наста көвүн Самбулат хатуч Фадиш нойнла ноолда кежәнә. Ноолдсн кемлә Самбулат кесг түрү зүдү үзнә, хаалһдан болхла кесг сән зангта цаһан седклтә үүрмүдлә таньлдна. Эрвәннь иньгән чигн олж авна.

Келхд, Марина Каболова һучн жилдән эн театрт көдлв чигн наад эклхин өмн дангин әәмшгтә бәәнә. Тер юнгад эн дүрмүдиг моднд боочксн наадһас наадна. Наадсн наадмудын дүриг наадх кергтә, эднә инәдн, эднә уульсн байрлсн чигн дүриг наадх болжана. Болв тиим болв чигн бидн бичкн көвүд күүкд байр үүдәнәвидн. Маринан наадһа хамгин сәәхн Фатиман күүкнә дүриг наачана. Эн дүр нанд ийр таасгдна. Тер юнгад гихлә күн болһна бәәдл жирһлд тиим сюжет дангин харһна.

Эн үзүлгдсн нааднд мус чоткр чигн бәәнә. Эн наадһас му дүрстә хуучн хувцта болв чигн бичкдүд эдниг әәхш.

Нааран ирсн бичкдүдт эн наадн йир тассгдв. Эднә келсәр талдан чигн наад маднд ирәд үзүлтхә. Бидн сонсхларн ирхвидн.

Наадн чилснә хөөн байрлсн бичкдүд театрас һарв. Ик зунь эн театрт түрүн болж ирв. Эдн талдан келн улсин авьяс заншалла танилдлсньднь йир соньн болж медгдв. Иргчдән эн таетр кесг соньн наад Танһчин бичкдүдт үзүлхәр саната.

Надежда Азыда, Сергей Очра