Зурач Цеднә Боован санлд нерәдгдсн һәәхүл көдлжәнә

Эн өдрмүдт хальмг келн улсин Пальмовин музейд баһ наста зурачин Цеднә Боован санлд нерәдгдсн «Напоминание обо мне — мои рисунки на стене» нертә һәәхүл көдлмшән эклв. Билгтә эрдмтә зурачин бичсн зургуднь хәләхәр олн улс ирв.

әмд бәәсн цагт Бова Цеденов эн зургудан зурсн билә. Дигтә тер цагт баһ наста көвүн зурачнрин школд сурһуль сурсн билә. Цаһан болн хар өнгтә графическ зургуд билгтә зурачин санан седклиг сән кевәр үзүлжәнә. Бова цеденов йир билгтә күн билә бичкн цагасн авн зурачин эрдмд дуран өгв. Талдан чигн үүдәлт бийхән сән таласн үзүллә. Брейк-данс биилдг билә.

Нәәж Артур дорджиевин келсәр Бова Цеденов йир сән күн билә, дангин күн болһнд дөн нөкдән күргдг бәәсмн. Намаг брейк данс би дасхла хип хоп сойлла намаг бас танилдулв.

Зурачнрин школд Бова нәәмн нәәмдгч класст сурһуль сурч йовсн цагт ирв. Эк эцкнрин нәәж Николай Санджиев эн көвүнә тускар бүлән үгмүдәр санлнь тодлв.

Николай Санджиевин келсәр зурачнрин школд орхларн эн көвүг багшнр негдгч курсас һурвдг курст орулв. Тер юнгад гихлә йир билгтә зура бәәсмн.

Школан чиләснә хөөн Бова Цеденов Москва балһсна художествен школд орв. Харм төрхд тер школд нег жил дасв. Хойр минһн зурһадг жилд зунын кемлә Краснодарск крайин Архипо-Осиповка нертә селәнд хальмгин күүкдиг харсад әмнәснь хаһцсмн. Эн һәәхүлд энүнә сүл көдлмш әмтн бас үзж чаджана. Энүнә эжжнь Нина Гецелова халуни нүльмсан асхрулад көвүнәннь тускар келв.

Нина Гецелован келсәр хөрн тавн наста баахн көвүн школан чиләснә хөөн цергә хаалһар йовхар седв. Зурлһна билг эрдмән чайж чадлгон художествен школ сурһуль сурхар йовб.

Хурачин һәәхүлд олн әмтн ирв. Тедн дунд үүрмүднь, энүнә сурһульчнрнь. Энүнә сурһульчнр Бова Цеденов Хамгин түрүнд дамшлта зурач. Эн билгтә көвүнәс эдн дангин үлгүр авна. Зурачин һәәхүл июнь сарин һучн күртл давулгдх.

Ээнән Ольга, Бадмаран Владислав