ЖКХ-н көдләчнр намрин-үвлин кемд белдврин көдлмш кежәнә
Хальмг танһчд дула өглһнә кемд цугнь белн болв аль угай? Намрин-үвлин кемд белдлһнә көдлмшин ашин тускар танһчин жилишн-коммунальн эдл-ахун министерств тооца кев. Иим көдлмш күцәхин төлә ут-тоодан зун далн сай арслнг зуралгдж. Бәәрн бюджетас хөрн зурһан сай арслнг йилһж өггдх. Ода эн халхин предприятьмуд тәвн сай арслнг олзлж. Элст балһснд усна сурвлж шинрүлж яслһна төлә “Юг России” нертә программар федеральн хазнас хөрн зурһан сай арслнг ирв. Хальмг танһчд ода зеткртә йовдлын кемд олзлх тавн сай арслнг бәәнә. Үвлин кемд көдлх немр дөчн электростанц белдгдв, тер тоод автономн болн машинд бәәх электростанцс бәәнә. Тер мет олн патьрта гермүдт капитальн ясвр келһнә программар киитн кемд бас белдвр кегджәнә. Энүнә төлә жирн дөрвн сай арслнг олзлгдхмн.
