Эн жилин июлин нег шинәс авн Элст балһсна әмтн алвна шин цаас авх
Эн жилин июлин нег шинәс авн Элст балһсна әмтн алвна шин цаас авх. Урднь эн төрәр салу цаасн ирдг бәәсмн, тер тоод иим цаасн олн-үзсн бозгт ирдг билә. Ода болхла нег иим алвна цааснд машина, һазрин болн зөөрин алвна өрн бичгдх.
Эн жиләс авн машина, патьрмудын, һазрин алвна кемжән талдан алвнла кежәнлә нег цааснд бичгдх. Тегәд шин орулгдсн системар алвна мөнгиг өгх амр болх.
Хальмг Танһчин Әрәсән федеральн алвна церглтин заллтын әнгин ахлач Валерий Доржиевин келсәр хойр минһн арвн негдгч жиллә алвна мөнгиг әмтн хойр минһн арвн хойрдгч жилд өгх зөвтә. Цуг эн алвна мөнгн нег цааснд бичгднә.
Эндр өдр өлг-эдин алвна кемжәнд сольвр болсн уга гиж региональн ведомствин специалистр маднд келж өгв. Дәкәд болхла эн цасснд эвдлһн олж авгдхла федеральн алвна церглтин инспектормуд энүг тер дарунь чиклх зөвтә.
Урднь арвн хойр сарин эргцд дангин нааран ирж чеерүдт зогсдг биләв гиж Владимир Дорджиев маднд келв. Өдгә цагт Шин системар сул цаган үрәлго алвнна мөнгиг өгх амр болжана.
Сүл жилмүдт күч-көлгнә алвна мөнгн һазрин алвна мөнгнлә әдл жилдән хойр дәкч өгддг бәәсмн. Элст балһснд олн жилдән бәәдг Светлана Есенован келсәр шин сольвр байрлна, болв энүнд эвдлһн бас харһх.
Мөнгн уга цагт нег цааснд ирсн алвна мөнгиг өгх йир күнд болна. Мөнгн эс күрхлә тегәд бидн альдас мөнгн авх зөвтәвидн гиж Светлана Есенова зовлнгарн хувалцжана.
Дәкәд нег тодлад келхлә, күн болһнд алвна мөнгн ик урдаснь ирх. Эн жилин алвна кемжәнә мөнгиг әмтн ирх жилд сентябрь сар күртл өгч чаджана. Цаглань алвна мөнгиг өгхлә күн болһнд амр болх алвна мөнгиг. Цаглань эс өгч чадсн улс бәәхлә федеральн алвна церглтин заллтын инспектормуд зарһд эрлһ өгч чаджана.
Июль сарас авн алвна инспекцин көдләчнр тиим цаас Элст балһсна, Городовиковск, Яшалтан болн Приютна района әмтнд йовулгдх. Талдан мунициапальн бүрдәцин әмтн тиим цаасыг август сард авхмн.
Санкун Кермен, Котина Валерий
