Тәмк татлһнла ноолда кех закаг Әрәсән правительств дөннв
Тәмк татдг му авьясла чанһ ноолдан кегдх. Эн туст белдсн закаг Әрәсән правительств дөннв. Шин закана һол күцлнь — тәмкин утанас талдан улсиг харслһна төр болжана. Хойр минһн арвн тавдгч жиләс авн олн улс хот уудг һазрт, медицинск, спортын, эрдм-сурһулин болн сойлын учрежденьст тәмк татж болшго. Тер мет көдлмшин һазрт болн лифтмудт бас тәмк татх зөв уга. Дәкәд болхла, олна көлгн-күчнд, вокзалмуд-портмудт болн йосна государственн органмудын гермүдт бас иим зокал орулгдх. Ода болхла тәмк татдг йовдлмуд баһрулхин төлә ирлцнһү керг-үүлдвр күцәгдх. Бичкн магазидмудт тәмк хулдгдшго, тәмк кедг фирмсин алвна кемжән өсх. Статистикин то-дигәр, ода Әрәсәд дөчн дөрвн сай күн тәмк татна. Жил болһн энүнәс көлтә кесг зун минһн күн өнгрнә. Ода мана орн-нутгин йирнь процентнь шин зака дөннжәнә гиж шишлнг сурлһна ашт медгдв.
