Троицк селәнә 52 олн үртә өрк-бүл һазрин участкс авв

Троицк селәнә 52 олн үртә өрк-бүл һазрин участкс авв. Целинн района администрац энүнд нерәдгдсн йоста нәр бүрдәв. Эн керг-үүлдврин йовудт соньн концерт болв, бичкдүдт әмтәхн хот өгв. Эк-эцкнрт болхла һазрин участкин цаас бәрүлж өгв. Келхд, эн участкуд район цутхлнгин өмн-дорд үзгт бәәнә.

Дмитрий болн Ульяна Голеневихнә тавн үртә. Герин Дмитрий эндр өдр алн болжна, тер юнгад гихлә эн өрк бүлин һазрин учаскин төр шулун хаһлгдсн билә. Шин жилин өмн өргнд эн өрк бүл һазрин участкин цаас белдәд өгсн билә. Апрель сарин чилгчәр эднд һазрин участ өгв.

Дмитрий Голеневин келсәр эндр өдр бидн байрта бәәнәвидн, дала үртә өрк бүлд тиим участ кергтә, герән тосхад бәәхмн.

Жирдгч жилмүдт тосгдсн Дөрвн өрәтә гер эндр ик өрк бүлд уутхн болжана. Гер бичкн болад дала юм тәвж болшго, унтдг күүкдин орн, герин даалһвран кех ширә, хувц хунран тәвдг үкүг бәәнә. Цөн өдр хооран битчкдүд гертән шову бәрхәр седв, арһ уга болад эк эцкнр зөвән өгв. Бичкдүдин садт олн үртә өрк бүлин бичкдүд 50% мөнгн өгнә, эм эднд өнгәр эмчнр бичүлнә. Бәәдл жирһл күнд болв чигн эднән үзәд зовх арһ уга гиж баахн Голеневихн келнә. Эндр өдр һанцхн Дмитрий көдлнә, эк Ульяна бичкдән хәләһәд гертән сууна. Голеневихнә өрк бүл бичкн малта. Йилһгж өгсн участкдан бидн шин гер тосхгдх санатавидн гиж герин эзн Дмитрий келв.

Ульяна Голеневан келсәр шин гер тосхһх кергтә, бичкдүд өсхлә эврә гер малта болх тегәд ик гер кергтә.

Актовый заалд бичкдүдин ә холас сонсгдна. Эн бичкдүд олн үртә өрк бүлмүдәс. Эн байрт эдн дууһан дасад ирв. Тәәз деер Голеневихнә, Бадмаевихнә болн Тюрбеевихнә өрк бүлмүд зогсчана. Ут тоодан тәвн хойр өрк бүл. Тәәз деер һархларн бикдүдән һарасн бәрәд көтләд һарна. Эн нәәрт бичкдүдиг хампать балтаһар тоов.Марина Тюрбеева һурвн үртә хойр икр-көвүд, нег күүкн.

Хальмг улсин авьясар бидн көвүдтән гер тосхһх зөвтәвидн, эдн өсхләрн эврә гер малта болх — гиж Марина Тюрбеева келв. Йилһгдж өгдсг һазрин участкст электокүчн, усн, көк түлә орулгдхмн. Целин района муниципальн бүрдәцин ахлач Виктор Джанджиевин келсәр цуг өрк бүлмүдт йилһж өггдсн участкст кергтә комуникацд цаглань орулгдх.

Диилврин өдрин өмн өргнд дәәнә ветеранмудт болн инвалидмудт һазрин участкс өглә. Эн өдрмүдт болхла олн үртә өрк бүлмүдт һазрин участкс йилһж өгв. Сүл жилмүдт һазрин участк авх чеерүдт арвн зурһан минһн күн зогсчана. Ахлачнрин келсәр цуг әмтн эврә һазран авх.

Дельгр Эняева, Дмитрий Джамбинов