Бичкдүдин төлә маши залачнр шишлн эв-арһ хулж авх зөвтә
Машиндән бичкдүдән суулһхларн маши залачнр әәмшг уга эв арһ зүүлһх зөвтә. Эндр полицин көдләчнр Элстин хаалһст һарад маши жолачнриг зогсаһад бүртлһнә көдлмш күцәв.
Долан час һучн минутла Хальмг Танһчин дотр дундын кергүдин министерствин өөр күүкд улсин цутхлнгин элчнр хурв. Эндр өдр эдниг хаалһ учрсн зеткртә йөвдлмудын төр үүмүлжәнә. МВД-н мөнгн тетклһнә цутхлнгин ахлач Нина Чокаеван келсәр хаалһд учрсн зеткртә йовдлмудын ашт ик зунь бичкдүд хорна. «Бичкн пассажир» гидг акциг эн күүкд бүрдәв. Эн акц ГАИ инспекцин нилчәр бүрдәгджәнә. Хамгин түрүнд эн акц хаалһд бичкдүдән зөөжәх маши залачнрт уха заалһн болжна, тер юнгад гихлә ик зунь бичкдүдән кергтә эв арһар теткхш. Эндр өдр полицин цуг көдләчнр машиндән кергтә сандл, шишлнг эв арһта бәәнә.
Эн керг үүлдврин ашт полицин көдләчнрәс үлгүр авад күн болһн саглулгч эв арһ хулж авх зөвтә.
Полицин көдләчнр эврәннь рейдан Элст балһсна барун үзгәс эклв. Тер юнгад гихлә эн районд хөрн һурвдгч тойгта дундын школ болн бичкдүдин сад бәәнә. Өрүн нәәмн часла школд, бичкдүдин садт машиндән йовулжах бичкдүдән ик зунь кергтә саглулгч эа арһ угаһар бичкдүдән йовулна.Цуг зогсасн маши залачнрла күүндв тогтагдсн билә.
Арвн минутн эргцд арвн тавн машид зогсасн билә. Ик зунь зака эвдв. Акцин бүрдәһәчнр маши залачнрла күүндсн дееерән машинд суусн бичкдүдлә чигн күүндв. Күүндврин йовудт полицин көдләчнр хаалһд зеткртә йолвдл учрхла энүнә ашт ямаран шав күн болһн авч чаджана цуг эн келсн тоотыг бичкдүд болн маши залачн ган өгч сонсв. Хаалһин зака сәәнәр медсн бичкдүдт акцин көдләчнр бичкн белгүд бәрүлж өгв.
Эн бичкдүдин келсәр эндр өдр машиндән бичкдән зөөхләрн шишлн сандл хулдж авх кергтә. Маши залачнрин келсәр эндр өдр хаалһд йовсн улс дурндан йовна, тегәд энүнә ашт зеткртә йовдл икгднә, эн туст бичкдән харсхин төлә күн болһн ухалад кергтә эв арһар машиһән теткх зөвтә.
Школын өөр болсн бүртлһнә керг үүлдв цааранднь бичкдүдин садын өөр давв. Энүнд бас ик зунь нилх бичкдүдән машиндән сулар суулһад йовулна. Светлагна кийкован келсәр һанцхн нег машин кергтә сандлта билә, тегәд эн машинә эзнд бидн белг бәрүлж өгләвидн.
Тиим рейд давулхла бидн олн зүсн йовдлла харһнавидн. Бичкдүд болхла сандлын ард бултна, маши залачнр маднур дәврәд хәәкрнә. МВД-ин министерствин күүкдин цутхлнг тиим акциг цааранднь давулх сана зүүжәнә. Эн акц июнь сарин нег шин күртл давулгдх.
Чуучән Валентина, Котина Валерий
