“Теегин Айс” нертә дууна марһана хойрдгч девснг төгсәв
Давсн амрллһна өдрмүдт балһсна школмудин сурһульчнр дунд зарлсн Теегин айс нертә хальмг дууна марһана хойрдг девснгән үзүләд төгсәв. hучн зурһан көвүд күүкд жүрин гешүдт эврәннь билг эрдмән үзүлв. Марһана ашар ах багд балһсна 18 тойгта школын Амуланга Дедюшева болн Дина Очирова күүкд орв. 20—гч тойгта школын сурһульчнр Нина Ванькаева болн Зарема Гасанкадиева бас ах багд орв. Баһ наста багд орлцсн Саша Лагодина хамгин икәр бал хоршах авад нүүрт һарв.Энүнә дарунь Эмилия Лиджиева, Виктор Джакинов, Алина Кукаева болн Максим Очиров йовна.Апрель сарин чилгчәр болх гала концертд хөрн көвүд күүкд орлцад диилән йилһх. Теегин айс нертә хальмг дууна марһана һол күслнь — күүкдин дуудин билгинь йилһж делгрүлһн, хальмг дуунд болн кел даслһнд күүкдиг соньмсуллһн болжана. Мана хәләһәчнрт эн марһан соньн болв гиж келх кергтә. Энүнә йовудт мана заасн электронн хайгар әмтн орж дууһан өгчәнә.
