Театральн сезон өөрдж йовна

Удл уга Баснга Баатрин нертә Хальмгин келн-улсин театрт Азербайджана ТЮЗ театр билг-эрдмән үзүлх. ТЮЗ-театрин гастрольн афишт сүл жилмүдт белдсн хамгин сән наад орв. Энүг бичкдүд болн бөдүн улс чигн хәләж чадх. Хамгин бичкн хәләһәчнрин төлә “Мать-гусыня” нертә тууль үзүлгдх. Тер мет Хальмгин келн-улсин театр шин сезонд белдвр кежәнә.

Дарани театральн сезон эклтл цөн цаг үлдв. Тер бийнь шин наад эврәннь репуртуартан орулх цаг бәәнә. Шин жилд кесг шин наадд үзүлгдх. Ода белдвр гүргүдән. Цагин селгән нертә наад белдхд дала цаг болн чидл кергтә болх. Энүнд көгжмин материал гиж Аркадий Манджиевин бичсн дуд олзлгдв. Шин нааднд олн артистнр орлцх. Талдан наадд иим олн актермуд орлцжахш. Шин наад белдлһнә көдлмш артистнр байр үүдәжәнә.

Келн-улсин театрин артистк Марина Кекееван келсәр, көдлмш йир соньн болв. Баһчуд седклән өгәд нааджана. Олн-зүсн дүрмүд үзүлгджәнә.

Болв хамгин һол төрнь болн театрин коллективин чидл тусхахнь хальмгин бичәчнрин үүдәврмүдәр тәвх наадд болжана. Театрин ах режиссер Борис Манджиевин тоолврар, эн жил танһчин хәләһәчнр моно-наад соньмсж хәләх. Негдвәр, хальмг улсиг киитн Сиврт нүүлһснә төр күн болһниг үүмүлжәнә. Эн жил һашута өөнин длан жил темдглжәнә. Театрин артистнр ода шин наадна дүрмүд үзүлхдән белджәнә. Артистк Тамара Полтынова Голубоглазая каторжанка нааднд һол дүр нааджана.

Артистк Тамара Полтынован келсәр, эн нааднд зөрмг чанһ-чиирг күүкд күн үзүлгджәнә. Орс күүкд күн хальмг күүнд одад, хальмг улсла әдл тууврт йовна. Залунь дәәнд одхла, эк-эцкинь киитн Сиврт нүүлһнә. Орс күүкд күн эдниг дахад бас Сиврт туугдна. Тенд хальмгудла хамдан күзүцә зовлнг дааж юарна.

Хальмгин бичәч Алексей Бадмаевин үүдәврәр тәвсн нааднас талдан чигн кесг сонбн наадд тәвгдх.

Хальмгин келн-улсин театрин ах режиссер Борис Манджиевин келсәр, талдан наадн бичәч Эрнжәнә Константина тодлврмудар тәвгдв. Эннь “Колыма — моя чудесная планета” нертә наадн. Энүнә хөөн Көглтин Даван үүдәврмүдәр наадн белдгдх. Энүнә нернь “Время — повелител”ь. Энүг Йошкар-Олаһас ирсн режиссер Василий Пиктеев тәвжәнә. Энүг хальмгин хәләһәчнр сәәнәр меднә.

Баснга Баатрин нертә келн-улсин театрин афишт шин наадд ноябрь сард һарх. Удл уга келн-улсин театрт Азербайджана артистнр билг-эрдмән үзүлх. Эн орн-нутгин ТЮЗ театрин гастрольн афишт сүл жилмүдт белдсн наадд орв. Энүг бичкдүд болн бөдүн улс ичгн хәләж чадх. Хамгин бичкн хәләһәчнрин төлә “Мать-гусыня” нертә тууль үзүлгдх. Борис Манджиевин тоолврар, талдан хойр наадыг бичкдүд болн бөдүн улс чигн хәләж чаджана. Эннь “Война” болн “Контрабас” нертә наадд. Энүг азербайджана театр нарта-делкән фестивальмудт үзүлв, тер тоод Иранд, Турцд, Әрәсәд, Модовад болн Украинд олн әмтн эднә наад таасв.

Ах режиссер Борис Манджиевин келсәр, Азербайджана театр моно-наад авч ирж үзүлх. Эннь “Контрабас” нертә Әрәсәд энүг Константин Райкин сәәнәр наадна. Азербайджанд болхла эн дүриг Шойги Гусейнов наадна. Нертә артист. Эн нааднд зевгин тускар келгджәнә.

Оркестрт эн зевсн бас ик чинр зүүжәнә гисн ухан орулгджана. Тер мет энүнд өргн хуурч күүкнд дуран өглһнә үзүлгджәнә. Йир соньн наадн гиж санжана.

Дәкәд нег толад келхлә, Азербайджанск ТЮЗ театрин гастроль Элст балһснд октябрин һурвнас авн зурһан күртл болх. Тер саамд Хальмгин хотл балһснд Карачаево-Черкессин абазинск драматическ театр ирж билг-эрдмән үзүлх зурата.

Чучян Валентина, Мятежный Максим