Танһчин улс сунһврт олар ирв
Март сарин дөрвнд болсн Әрәсән Президентин суннһврин өдрт Элст балһсна болн танһчин райодт бәәх улс яһж орлцснь мана дарани сюжетд хәләж чаджанат.
Өрүн 8 часла дууһан өгх участкуд секәтә билә. Зөв йос харлһна органмудин көдләчнр әәмшг уга бәәдл теткв. Зал болһнд политическ партьмүдин кандидатнрас бүрткәчнр, тер мет селвцәнә чинртә зөвтә комиссин гешүд көдлв. Темдгләд келхд, эн сунһвр давсн орн нутгин хүүвин сунһврас йилһржәнә. Бүрткәһәчнр энүнд ик оньг тусхав. Эдн дууһан өгчәх улсин нерд болн эдн алдь темдглгдж бичгдсн тоотиг шинжлж хәләв. Түрүн болж суннһврин йовудыг интернетар дамжж хәләж болв.
Участк болһнд хойр видеокамер углгдж тәвгдсн билә. Хальмгин толһач урнд бюллетень тәвснә хөөн интернет-кафед ирж.
Веб-выборы систем яһж көдлжәхинь хәләв. Алексей Орловин келсәр Әрәсән Президентин суннһвр ик чинр зүүжәнә хальмгин цецгәрлтин төлә, Танчһчин улс суннһврт шунмһа кевәр орлцх гиж нәәлжәнә. 190-гч тойгта участкин бүрткһәчнрин темдглсәр, әмтн дууһан өгсн саамд эвдсн темдгтә йовлдмуд илдкгдсн уга болж һарв. Президентин кандидат Михаил Прохоровин бүрткәчин келсәр, мана участкт әмтн ирж дигтә даратаһар дууһан өгч, зака эвдсн йовдл темдглгдсн уга.
Цутхлнгин сунһллһна комиссь эн керг үүлдврт Хальмг танһчд монһлын консулын агент Улзийбат Гончинжавд нарт делкән бүрткәч болж орлцх зөв өгсн билә. Энүнә келсәр, эн суннһврин йовудт техническ халхар олн зүсн шин эв арһ олзлгджах йовдл сән аш үзүлх зөвтә.
Эн өдр участкудт ирж дууһан өгч чадшго әмтн гертнь ирх туск эрлһ орулж өгв. Суннһллһна комиссин гешүд болн эднлә хамдан бүрткәчнр заасн тойгудар йовв. Танһчин долан минһ һар күн региона межә һазрт открепительн иткүлин цаас олзлж дууһан өгцхәв. Иим кевәр Курскас ирсн Владыка Зиновий Элстин 41—гч участкд ирж иим кевәр дууһан өгв. Хальмгин олн әмтн ни-негн төвкнүн бәәхинь дурджанав гиж интервью өгсн саамдан эн темдглв. Суннһллһна комиссин то—дигәр, арвн часин алднд танһчин әмтн нәәмн процент күрәд дууһан өгв, үдлә болхла28 процент. Хар һазра, Ик-Буурла, болн Яшалтин райодын бәәрн улс шунмһа кевәр суннһврт орлцснь темдглгдв.
Колдан Наталья, Валентина Чүүчә, Николай Хулхачин
