Күүкд улсин байрин өмн өргнд художествен гимнастикин турнир болв

Март сарин нәәмн, күүкд улсин хамгин дурта байр. Байрин өдрин өмн өргнд Элстд художествен гимнастикин турнир болв. Эн марһанд 100 һар Танһчин күүкд орлцв. Диилвр бәрсн күүкд апрель сард Хальмг Танһчин чемпионатд дөрлдх.

Арвн негн наста Лада Красногутская олн жилдән эн спортд дуран өгч орлцжана. Художественн гимнастикин турнирт орлцхларн үүмәтәһәр һарна юнгад гихлә энүнә өмн ик даавр бәәнә. Үүмәд бәәв чигн марһанд дөрлдхләрн негдгч орм эзлсн билә. Өдр болһн Лада тренерла хамдан көдлнә.

Бичкн цагасн авн эн спорт нанд таасгдна. Би эктән нерәдәд би биилнәв. Мини экм намаг үзхләрн дангин байрлна. Экм нанд нөкд болна.

Долан настадан экнь күүкән эн спортд авч ирлә. Эк Ольга Красногутская келсәр би эврәннь күүкән дангин ке сәәхн костюм өмссн биилснь үзхәр седләв. Эн спорт йир сәәхн , тер юнгад гихлә энүнд күүкд эврәннь билг эрдмән, чидлән үзүлнә.

Мөнгн уга болв чигн меднд олн зүсн марһаст орлцх, ке сәәхн бүшмүд хулдж авхд элгн садн дөнгән күргнә. Бичкн цагасн авн диилвр бәрхлә дамшлтан өөдлүлхлә иргчдән мини күүкн нертә спортсменкс кевтә орн нутгин марһанд орлдцад эцкиннь нериг холд туурулж йовх гиж экнь маднд келж өгв.

Мини күүкн олн зхүсн марһаст орлцхларн би дангин арднь зовад бәәнәв. Эн спортд диилвр бәрхд зәрмдән күнд болна. Кесгтән ууләд сууна чигн, болв нанла күүндснә хөөн невчкн тогтнад тренировкдан одна.

Художествен гимнастикин тренер Людмила Гальченко келсәр цуг күүкд улсин байрин өдрин өмн өргнд эн марһан йир сәәхн болв. Күүкд бийән сән талас үзүләд кесгнь диилвр бәрв. Эн байрин түрүн болж цуг ирсн экнрт ээжнрт нерәдгсн билә. Давсн жил авад хәләхлә эдн өсәд и кнурһта күүкд болв. Өдр дуусн эврәннь дамшлтан өөдлүлнә.

Келхд, цуг күүкд улсин өдрит нерәдгдсн марһан 12 жилдән давулгдна, тегәд сән авьяст тохрв. Диилвр бәрсн хальмг танһчин бичкн оддуд күндлһнәһашгудар, үнтә белгүдәр болн мөнгнә мөрәһәр ачлгдв.

Санкун Кермен, Владислав Бадмаран