Района больницд эврә томограф бәәнә
Яшалтинск района больницд эврә компьютерн томограф көдлжәнә. Ода района әмтн урдк кевәр хол һазрт кесг зун дуунда йовлго, дор ормдан шинжлт кеж чаджана. Онц келхд, района эмнүлин учрежеднь райодын больницмуд дундас хамгин түрүн болж иим өдгәц агин некрвлә ирлцәтә оборудовань углж тәвж чадв.
Ода диагнозиг арвн тавн минутын эргцд кеж болна. Светлана Веретино дигтә энд эмчин хәләврт оржасн бәәж. Энүнә келсәр, селәнә улст кергтә оборудовань хулдж авснь сән керг болв. Уоднь эдн хол һазрт йовад, хаалһин мөнг харһдг бәәсмн, компьютерн томографт шинжлт кехин төлә бас мөнг өгдг билә. Ода энд эврә компьютерн томограф углж тәвгдв. Светлана Веретино келсәр, хойр минһн нәәмдгч жилд нурһнд операц кесн билә. Ставрополь балһснд одх кергтә бәәсмн, дала мөнгн һардг билә. Томографин шинжлт кехин итөлә кесг дуунда йовх кергтә, ода болхла дор орамдан иим шинжлт кеж болх. Чеерүдт зогсх болн ик мөнг өгх керг уга. Эннь йир сән керг.
Өдгә цагин некврлә ирлцәтә оборудованьд көдлхин төлә эмчнр семинар шишлнг сурһуль дасв. Энүнә төлә эмнүлин учрежденя һардачнр Москва балһснас специалист Илья Поварниниг дуудж авла. Гиичин келсәр, Йирин рентгена шинжлтәс компьютерн томограмм күүнә дотр органмудын, махмудын болн цусна сосудын тодрха шинжлт үзүлнә. Энүнәс иштә эмнүлһн сән йовудта болна, тер тоод бичкдүдиг бас сәәнәр эмнүлж болна. Специалист Илья Поварнина келсәр, эн цагин эргцд хөрн гемтә улс шинжлтд орв. Эднә толһа-эк, гес, өрч шинжлж хәләж чадвидн. Күүнә орган болһниг хәләж болна. Олн-зүсн гем илткж авгдв.
Эндр өдрәс авн эмч-рентгенологуд Айна Орусова болн Евгений Макагонов талдан күүнә дөн угаһар компьюетрин дөнгәр гемтә улсиг шинжлж чадх. Ода Яшалтинск районд компьютерн шинжлтд орх улсин то дегд ик болжана. Эмч-реар компьюетрин дөнгәр гемтә улсиг шинжлж чадх. Ода Яшалтинск районд компьютерн шинжлтд орх улсин то дегд ик болжана. Эмч-рентгенолог Евгений Макогоновин келсәр, ода яһж шинжлт кехнь медгдв. Эврәннь һаран цугин кеһәд, дамшлт авч чадвидн.
Энүнә хөөн бальницд эндохирургическ эв-арһ олзлгдхмн. Яшалтинск района больницин специалистнр оперционн әнг эдлврт орхла өдгә цагин некврлә ирлцәтә эв-арһ олзлж оперативн эмнүлһ кеж чадхмн. Ода больницин зәрм әнгст тосхлтын көдлмш кегджәнә. Эндр өдрт зун сай арслнг мөнгн олзлгдв. Больницин ах эмч Юрий Кикеновин келсәр, ясврин көдмш төгсәхин төлә мөнгн күртжәхш. Района больницин ах эмч Юрий Кикеновин келсәр, ода больницин гер күцц ясж шинрүлгдв. Ода зуг реанимационн әнг белн болад уга. Энүнә төлә дөрвн дундур сай арслнг кергтә. Эн корпусиг ясж шинрүлхин төлә танһчин эрүл-мендин министерств болн правительств дөн болх гиж нәәлжәнә. Ода медицинск дөн күрглһнә цуг үүлдвр даатхлһна сангас мөнгәр теткгджәнә. Эннь мөнг олз-тустаһар олзлһнд сән нилчән күргжәнә. Ода көдлхд невчк амр болв гиж ах эмч келнә.
Яшалтинск района больницин бачм чинртә медицинск дөн күргдг автомобильмүдт ГЛОНАСС систем углж тәвхлә, бачм чинртә бәәдлд эмчнрин бригад ахр болзгт йирж чаджана. Нег үлү, зәрмдән гемтә күүнд түргәр иж дөн күргх кергтә болна. Онц келхд, района больницд ода электронн эв-арһар эмчд бичүлж орж болх. Ода гемтә улс өрүн эрт талон авхар зогсхш. Селәнә улст өөдән чинртә медицинск дөн күрглһнә чинриг өөдән кемжәнж һарһж болх арһ учрв.
Ээнән Ольга, Очра Сергей
