Правительствин президиумин сүүр болв
Танһчин толһачин даалһвр күцәлһн правительстин бүртклһнд бәәнә. Эндр правительствин президиумин сүүрт министерствсин һардачнр тооца кев. Премьер-министр Игорь Зотовин келсәр, давн жилин декабрин хөрн негднд олн-әмтнә хуралын депутатнрт Алексей Орловин кесн дуудврт далн даалһвр бәәнә. Танһчин эрүл-менд харлһна министр Руслан Нагаев төгсәгдә уга тосхлтд оньган тусхав. Энүнә келсәр, танһчин бичкдүдин больницин капитальн ясвр келһнә төлә кергтә бюджетн мөнгн темдглж авгдв. Жемчуевин нертә танһчин больницин тускар документ тогтагдв. Энүг Әрәсән минрегионд болн минэкономразвития ведомствд йовулв. Ик Царнг селнәд района больницд эн жил тосхлтын түрүн девснгнь төгсх. Тер мет сүүрт селәнә эдл-ахун, эрдм-сурһулин, сойлын, спортын, баһчудын политикин болн туризмин министрмүд ирлцнһү тооца кев.
