Машид темдглж бичлһн амрар кегдх
Машина эздүдт сән зәнг. Әрәсән МВД октябрин арвн тавнас авн автомобильмудыг тоод орулж өглһнә шин зокал орулжана. Ода автомобилистнтр боомтг угаһар болн ахр болзгт шин машиһан темдглж бичж чадх, энүг хулдсн кемд бас амрар документ кеж чаджана. Маши хулдсн кемд энүг ода темдглж бичлһнә тооһас һарһх керг уга. Тер мет шин зокалар автомобиль ГИБДД-н ямаран чигн әнгд темдглж бичж болх.
Урднь энүнд ик чеерүд цуглрдг билә, документ кехин төлә дала цаг үрдг бәәсмн. Автомобильмудыг тооһас һарһлһна төлә болн эдниг темдглж бичлһнә төлә машидын эзүдүд дала ик цаг үрәдг бәәсмн. Санан Санджиев машиһан хулдхин төлә темдглж бичлһнәс һарһж авхар ирж. Өрүн эрт ГИББД-н әнгд ирәд, чеерүдт зогсжана.
Санан Санджиевин келсәр, эврәннь машиһан үдин өмн күртл тооһас һарһж авх саната. Энүнә төлә документ цаглань орулж өгх кергтә.
Ода көлгн-күч темдглж бичлһнә государственн туслмж күцәлһнә административн зокалд сольвр орулгдв. Эн зокалар маши темдглж бичлһн тас талдана кегдх. Шин закан долан хонг болад октябрин арвн тавнд орулгдх. Шин зокалар ода маши хулдхин өмн темдглж бичлһн тооһар һархх керг уга. Ода машина шин эзн ямаран чигн ГИББД-н әнгд машиһан темдглж бичлһнә цагт һарһж чадх. Ода эн туст олн-зүсн административн кергин то баһрв.
МВД-н ГИБДД-н әнгин ах инспектор Василий Кекеевин келсәр, иим сольвр хамгин түрүнд государственн туслмж күрглһнә кемжәнд орулгджана. Ода цуг цаасн керг амрар кегдх. Урднь машиг һурвн часин эргцд темдглж бичдг бәәсн болхла, ода нег часин эргцд цуг цаас һарһж авч болх.
Машидын эздүдин келсәр, иим сольвр орулсна хөөн ик чеерүдт зогсх керг уга. Эн күүнә келсәр, урднь кергтә документ һарж авхин төлә бүкл өдр үрдг бәәсмн. Болв машиһан йовхар седхлә, иим керг күцәх кергтә. Урднь энд оньдин чеерүд билә. Ода шин зокалар жолачнр амрар кергтә цаас һарһж авх гиж эн күн тоолжана.
Шин зокалар ода машина жолачнр неесн машин тойгин ормд дубликат олзлж чадх. Ода машина тойг геехлә ГИБДД-н әнгд одх керг уга. Шишлнг коммерческ организацд шин тойг кеж авч болх.
Елена Алексенко, Ирчин Алексей
