Орсин театрин артистк ончта өөнән темдглжәнә
Эндр Хальмг танһчин ачта артистк Елена Судакова ончта өөнән темдглжәнә. Шог наадна болн дармин орсин театрин нүүрлгч артистк театр бүрдснәс авн ода күртл көдлжәнә. Энүнлә хамдан көдлжәх улс болн хәләһәчнр энүг йоста харул-хааһул болгч сәкүсн гиж тоолна.
Оньдин артистк болхин тускар ухалж йовла. Иим эрдм шүүж авхдан алмацсн угав гиж хәләһәчнрин дурта артистк, шог наадна болн драмин орсин театрин артистк Елена Судакова келнә.
Елена Судакова олн-зүсн өөдән ачлвомудар ачлгдв, ик чинртә театральн мөрә шүүж авла. Түрүн авгтан актерин эрдмиг Элстин көгжмин училишд актерск әнгд танһчин нертә артист Александр Сасыковин һардврт дасв. Училишд школан төгсәсн хөөн ирж сурв. Хамгин түрүн дүриг Баснга Баатрин нертә келн-улсин театрт танһчин райодт кесн гастрольд наадв. Тер саамд олн улс орлцата сценд орлцсн бәәж. Тер цагт энүнә наадсн дүр тас таасгдн уга гиж Елена келнә. Дамшлт баһ болад, наадх дүриг сәәнәр үзүлж чадсвн угав гиж ода артистк тодлна. Тенд авалян Виктор Хаптахановла тальдад өрк-бүлән тогтав. Энүнә хөөн орсин театрин ах режиссер Әрәсән ачта артист Юрий Шапирола харһад, энь иргч жирһлин һол хаалһ болв. Тиигхд түрүн болж шинәс бүрдәгдсн шог наадна болн драмин орсин театрин коллективд орв. Дарунь авльтаһан хамдан "Галерка" нертә Омск областин театрт көдлх саам учрв. Йирн һурвдгч жиләс авн эдн дәкнәс энкр театртан ирәд, ода күртл энүнә сцен деер нааджана.
Һольшг зангта болн билгтә артистк Судакова бйиннь тускар келхдән дурта биш. Энүнә өөр шууган һархла дурго болна. Болв энүг сцен деер һархла, хәләһәчнр наадыг ик оньган өгч хәләнә. “Корсиканка” нааднд Жозефина, “Бабье лето” нааднд Ида, “Шесть блюд из одной курицы” нааднд Иванова дүриг хәләһәчнр хамгин икәр дурлна. “Смешная история” нааднд һол дүр наадсн төләд Тамбов балһснд болсн әрәсән фестивальд шишлнг мөрәһәр ачлгдв.
Ода Әрәсән талдан театрмудын режиссермуд энүг көдлмшт дуудна. Болв эврәннь энкр театртан хөрн долан жилдән көдлсн күн талдан һазрт йовхар седжәхш.
Эврәннь тускар келхдән Елена Судакова дурлхш. Эврәннь ончта өөнд ахрар сурврт хәрү өгнә.
Баһ цагтан шүүж авсн эрдмдән цуг-арһчидлән агсж көдлжәх артистк ода күртл чанһ-чиирг. Үүдәгч зура темдглж авчана. Үүдәлтин ашиг ода диглхд эрт гиж келнә.
Хавтхна Элла, Бадмаран Владислав, Мятежный Максим
