17 марта 2014, 15:57
Олна палатын сүүрт Украинд тогстн бәәдлин тускар күүндв
Хальмг танһчин олна палат Украинд тогтсн бәәдлин тускар күүндвр кев. Сүүрт келн-улсин цутхлнгудын элчнр орлцв. Украинд бәәх улсин тускар үүмжәхән сүүрт орлцачнр медүлв. Ода тенд политическ болн экономическ күнд бәәдл тогтв. Сүүрин ашт резолюц батлж авгдв. Энүнд танһчин олна палатын хәләцин тускар келгджәнә. Украинд бәәх орс улсиг дөннлһнә туск Әрәсән Президент Владимир Путина шиидвриг сүүрт орлцачнр дөннв. Тер мет Украина улст гуманитарн дөн күрглһнә болн Элст балһснд мартын арвн нәәмнд болх митингд белдвр келһнә төрмүдәр күүндвр кегдв. Келн-улсин цутхлнгудын һардачнр цәәлһврин көдлмш кеһәд, митингд орлцхин тускар дуудвр кех зөвтә.
