Олн әмтн хог боган кергтә һазрт хайлго эргндк һазр бузрулна

Өдгә цагт әмтн хог боган кергтә һазрт хайлго олн әмтнә бәәх гермүдин, сурһулин заведеньсин өөр хайна. Салькнас хог бог нисәд эргндк болн йиртмжин бәәдл бузрана. Догшн нарна толянас түүмр шатх чигн әәмшг бәәнә. Өдгә цагт хог бог хайдг шишлн контейнермуд әмтнә гермүдәс холл бәәх зөвтә.

Эндр өдр Элст балһсн жил ирвәс хог богас бузрагдад йовна. Гермүдин өөр кесг тосхлтын хог бог овалтсн үзж болхмн. Гаражмудын ора бас хог богта. Ик өндр хулсн урһснь Элстд бас үзж болхмн. Бәәрн әмтн өдр болһн тиим йовдл үзнә. Ипподромная нертә уульцд СпецАТХ-ан хог бог хурасн билә, болв өдр болһн әмтн энд тенд эргндкән бузрана.

Эндр өдр әмтнә гермүд овалад асхсн хог богас цервлх йир үнтә болжана. Эн жилд эн туст балһсна бюджетд тавн зун минһн арлсн йилһгдв.

Элст балһсна мәрийн административн техническ бүртллһнә эдл ахун заллтын әнгин ахлач Байрта Мукабенован келсәр йилһгдж өггдсн мөнгн эн жилд күртшго. Өдр ирвәс хог богас эргндк һазр бузрагджана.

Өдр ирвәс шег бог асхдг һазр икгднә. Элст балһна кесг уульцст тиим бәәдл өдр болһн үзж болхмн., ан халун өдрмүдт нарна толянас түүмр шатх чигн әәмшг бәәнә. Шатсн хог богас йир му үнр һарна. Эндр өдр Хальмг Танһчд хог бог теермдх нег чигн завод уга. Эн туст шинжлһнә көдлмш кегджәхш.

Талдан һазрт хог боган хайсн улс ял өгх зөвтә. Эндр өдр ялна кемжән һурвн зун арслгас хойр минһн тавн зун арлсн күртл һарчана. Сүл сармудт Спец атхан көдләчнр тавн йовдл илдкв.

Зурһан сарин эргцд шишлн административн комись хог бог зөөлһнә тускар бәәрн әмтнлә бооца батлсн билә. Зун өрк бүлмуд эн эн керг үүлдврт орлцхар дуран өгсн уга. Эн өдр бүлмүд ялд унһах.келхд, эндр өдр сардан нег күүнәс спец атх преприять хөрн зурһан арслн авна.Кесг әмтн мөнгән өгхәр седжәхш. Энүнә ашт өдр ирвәс хог богас манна сәәхн Элст балһсн бузрагджана.

Санкун Кермен, Очра Сергей