47 наста Галина Кан һарһсн экән хәәжәнә

Дөчн долан жил хооран бичкн күүкән экнь бичкдүдин герт үлдәсн билә. Эндәс Галина күүкиг Ростов балһснд бәәх өрк бүл көвүшлж авсн билә. Кесг жил давад Галина эврәннь һарһсн экән хәәһәд Хальмг Танһчур ирв. Эн күүкн күн эктәһән харһх гисн итклән геехш.

Бичкн цаган Галина сәәнәр тодлна.Бийән хөвтәд тоолна. Дөчн долан нас зүүж йовх күүкд күн бичкн цагасн авн эврән дәкәд көвүшлж авсн эк эцкиннь нилчәр күндиг диилсн билә, сурһуль сурад эндр өдр сән көдлмштә. Зурһан сардан энүнг һарсн экинь бичкдүдин герт хайсн билә. Сәәхн өкәр чирәтә күүкиг талдан өрк бүл көвүшлж авсн билә. Энүнә тускар күүкн арвн хойр настадан медсн медв. Тиим болв чигн асрсн эк эцкдән йир дурта. һучн тавн жилмүдин эргцд галина эврәннь һарһсн экән хәәжәнә.

«Юнгад би таниг дурасн угав» дангин тиим сурвр асрсн экдән өгдг биләв гиж Галина Кан маднд келв. Түүнә хөөн эк нанд энүнә тускар тодрхһар келж өгсн билә.

Тер өдр мини санандм удан үлдх гиж галина тодлврарн хувалв. Нег чигн һундл мини санадм ирсн уга, тер өдрәс авн бидн йир өөрхн болвидн. Көвүшлж авсн экин келсәр бичкн галина күүкиг арвн тавн нас күрсн баһ наста күүкн һарһсн билә. Ростов балһсна төрллһнә хөөн бичкдүдин герт эврәннь тускар медхәр йовлав гиж Галина Кан келв.

Ростов балһснд бәәх үр күүктәһән бидн кесг дәкч төрлһнә герт ирәд тенд мини тускар бичмр документ хәәләвидн. Болв нег чигн цаасн олж авсн угавидн — гиж галина келв.

Итклән геелго Галина Кан Хальмг Танһчур ирв.Энд бас төрллһнә болн бичкдүин герт одад экән хәәлә. Эндр өдр һарһсн экән хәәһәж Галинад нөкд болтн гиж бидн суржанавидн.

Экән олж авхла би дурго болшгов, намаг угад яһж бәәснь тускар сурвр өгнәв, альд ода бәәхнь, нанд эгчнр ахнр бәәнү аль угай эн тускар һарһсн экәсн сурнав гиж галина кан келв.

Эндр өдр галина экән олж авх гисн итклән геехш. Бичкн цагасн авн эврә арһарн ямаран чигн зовлнгиг дааж һарсн күн болжана. Хальмг Танһчд Галинаг таньсн улс бәәхлә, эс гиж энүнә һарсн экиг медсн әмтн бәәхлә нөкд болтн.

Дмитрий Ивахненко, Ирчина Алексей