«Москва-Элиста» хойр балһсна хоорнд йовдг автобусмудын билетин үнн 300 зун арслнгт өсв

Июнь сарин нег шинәс авн Москва-Элиста хойр балһсна хоорнд йовдг автобусмудын билетин үнн һурвн зун арслнгт өсв. «Российские автобусные линии» нерәдлһтә компанин арһачнрин нилчәр билетин үнн өссн билә. Өдгә цагт хальмгин жолачнр эн компаньд көдлжәнә. Эн тогтсн бачм төр олн улсиг үүмүлжәнә. Антимонопольн церглтин көдләчнр эн тускар бүртлһнә көдлмш давулжана.

Бүкл жилдән Элстин болн талдан балһсдын автовокзалд олар әмтн хурна.Өдр болһн шинкн автобусас буусн, хол хаалһд һарад йовжах дәкәд эднән йовулжах олн улс нааран цааран йовснь үзж болхмн. Автобусмудын жолачнр һаза һан халун, киитн болв чигн амр сууна.

Эн жолачин келсәр; талдан автовокзалас әмтиг автобуст суулһсн учрас билетин үнн өссн билә.Эн өдрмүдт эн тускар күүндвр тогтажана. Билетин үнн урдк кевәрн бичкн болх.

Москва күртл билетин үнн өсв, төрскн һазрурн хәрж ирхлә билнтин үнн тер кевәрн үлдсн билә. Тегәд юнгад тиим бәәдл тогтснь олн улс алн болжана.

Маднла күүндсн көвүн көдлмштә. Энүнә келсәр эндр өдр мөнгн уга баһчуд яһж ик балһснур йовх. Билетин мөнгн күртшго болхла эдн хамаран одх.

Олн әмтн эврәннь һундлан цааснд бичсн уга. Автобусмудын жолачнрла өдр болһн керлдәд бәәнә. Эн тускар эндр өдр тарифар көдлдг церглтин көдләчнр бүртлһнә көдлмш эклв.

Эн церглтд көдлжәх Бадман Эрднин келсәр эндр өдр прокуратурт болн антимонопольн цергллтд эрлһ бичгдсн билә. Көдлмш цааранднь давулгдх.

Антимонопольн церглтин көдләчнр телефоһар дамжулад хол хаалһд йовжах улсин хоорнд сурлһна керг үүлдвр давулв. Билетин үнн кенә үрврәр өсснь антимонопольн церглтин көдләчнр цәәлһх зөвтә.

Антимонопольн церглтин ахлач Виктор Доролеевин келсәр эндр өдр бидн «Российские автобусные линии» нертә компаньд орсн цуг цуг автобусмудын эздүдлә күүндвидн, бүртллһнә көдлмшән цааранднь давулх санатавидн гиж азлач келв.

Дәкәд болхлаг эндр өдр шишлн специалистнр “Российские автобусные линии” нертә компанин ахлачла күүндв. Күүндврин хөөн эн компаня ахлчнр чик хәрү өгч чадсн уга. Бүртллһнә көдлмшин ашт билетин үнн өсхлһнә керг үүлдвр гемшәргджәх улс уголовн засгла харһулгдх дәкәд эдниг ялд унһах.

Колдан Наталья, Бадмаран Владислав