Көдлмш уга улст Элстин шишлнг цутхлнг дөн болжана
Ода Хальмг танһчд зурһан зун далн дөрвн күн көдлмш уга бәәнә. Эдн цугтан улсиг көдлмшәр тетклһнә цутхлнгд темдглж бичгдв. Хальмгин көдлж чадх цуг улсас көдлмш уга улсин кемжән хойр шаху процент тогтажана. Элст балһсна улсиг көдлмшәр тетклһнә цутхлнгин директор Ирина Конокован келсәр, эни жилин түрүн өрәлд көдлмш уга һучн һурвн күн олна көдлмшәр теткгдв. Күнд-түрү бәәдлд туссн улсас хөрн күн дав-зуурин көдлмш орулгдв. Тер мет арвн дөрвн — арвн нәәмн наста нег минһн шаху баһчуд бас дав зуур көдлмштә болв. Дәәкд болхла, Элстин цутхлнгд хөрн тавн Элст балһсна бәәрн күн көдлмш хәәһәд ирв, дөрвн зун тәвн күүнд психологическ дөн күрггдв. Болв өдгә цагт улсиг көдлмшәр тетклһнә цутхлнг зуг һурвн дундур минһн кү көдлмшт орулж чадх. Онц темидглхд, көдлмш уга әмтн баһ гиснь сардан нәәмн зун тәвн арслнг авчана, хамгин ик кемжән болхла дөрвн минһн йисн зун арслнг авх закан бәәнә. Энүнә тускар эндр Элст балһсна мэрийн барин церглт зәнглв.
