Коммунальн церглт үвлин кемд белн аль угай?

Ноябрь үвлд хаалһ заана гиж олнә-әмтнә үлгүрт келгднә. Моднас хамтхасн унж одв, киитн салькн үләжәнә, эрт харнһурдг болв. Өдртнь дулан болв чигн, сөөднь аһарин кемжән ноль градуст күрчәнә. Синптикүдин тааврар, дулан өдрмүд дәкәд чигн тогтх. Болв Элст балһсна коммунальн церглт үвлд белн болв аль угай?

Владимир Санджиев Элст балһснд болдг үвлин зангин утскар сәәнәр меднә. Үвлин тенгрин бәәдлин занг коммунальн церглтин көдләчнрт оньдин күнд төр болдгин тускар хотл балһсна улсла әдл сәәнәр меддг болв. Энүнә тоолврар, эн жил эн туст бәәдл невчк ясрв.

Элст балһсна бәәрн күн Владимир Санджевин келсәр, ода патьрт дулан, усн бәәнә. Дулан цаглань ирв. Урдк жилмүдәс невчк дулан эрт өггдв.

Владимир Санджиевин бәәх Мартын нәәмдгч нертә уүльнцин герт Элст балһсна деед үзгт бәәх хамгин ик котельн дула өгнә. Энүнә күчнь жирн гигакалорий. Энүнәс дөчн тавн обьектд дулан өгджәнә. Тер тоод әмтн бәәдг гермүд болн социальн обьектмуд. Энүнд дәкәд нег котельн бәәнә. Энүнәс һучн негн обьектд дулан өггджәнә. Ода котельнс өдр-сө уга көдләд, дула болн халун ус хотл балһсна улст өгчәнә.

Дөрвдгч участкин ах мастер Овша Джариновин келсәр, дула өглһнә кем цаглань эклв. Дуту-дундс бәәв чигн, хурц төрмүд ода деерән уга.

Олн-әмтнә келсәр, ноябрь сард эс даарсн улс, декабрь сард бас дааршго. Коммунальн церглтин көдләчнрин иткүлсәр, үвлин кемд эдн сән белдвр кев.

“Энергосервис” ниицәнә ах инженер Александр Санж-Горяевин келсәр, өдгәц агт цуг котельсн көдлмшт бүрткж хәләгдв. Китн болхла эдн яһж көдлхинь бас бүрткж хәләв. Дула өглһнә кем эн жил сән кеәвр давх гиж санжана.

Болв эднә үгмүдт элстихн икәр иткжәхш. Дула өглһнә болн электрокүчнә системд дару-дурань эвдрлт учрна. Эн күүкд күүнә келсәр, эн жил му. Давсн жилд дула өглһнә мөнгн икдсн билә, эн жил бас туслмж өсв.

Тер мет үвлин кемд автомобильн хаалһс белдлһнә көдлмш бас әәмшг учражана. Элстин эдл-ахун директор Валерий Будаевин келсәр, хаалһин техник үвлин кемд көдлхдән белн. предприять тавн зун тонн техническ давс болн тавн минһн тоон элс белдж авч. Үвлин кемд хаалһс мөстхлә эн кемжән күртх зөвтә.

Балһсна эдл-ахун директор Валерий Будаевин келсәр, элсн болн давсн күцц белн. Киитн эклхлә, эклхд көдлх. Цуг техник үвлин кемд көдлхдән белн. Эн жил сән белдвр кегдв.

Үвлин кемд автомобильмудын эзджүд бас белдх зөвтә. Специалистнрин селвгәр, аһарин кемжән тавн грудус дуланд күрхлә, зунын рези үвлин резинд сольх кергтә. Мана танһчин тенгрин бәәдлд шипованн резина ормд липучка нертә резин кергтә.

ГИБДД-н инспектор Игнат Куцековин келсәр, жолачнрт дәкәд нег селвг бәәнә. Машина ард бәәсн капотын заагт бәәх рези суһлад авхла, машин йовхла моторас дулан ки орх, энүнә ашт өмнк терз көршго.Үвлин кемд жолачнр машиһар йовхларн болһамжтаһар йовх зөвтә. Өмн йосвн машинас холд йовх кергтә, үвлин кемд хаалһс хальтрата болна. Энүг тоод авх кергтә.

Ноябрь сард чилг-нарта өдрмүд болхла, удл уга киитрх гиж келгднә. Тегәд удл уга элстихн үвлин кемд коммунальн церглт яһж белдсинь үнлж чадх.

Елена Алексенко, Мятежный Максим