Көтчнрә районд махна комбинат иргч жил экләд өдлх

Көтчнрә районд махна шин комбинат иргч хойр минһн арвн дөрвдгч жилд көдлмшән эклх. Банкин болн инвестиционн компаня хамцу тосхлт темдглсн зураһар күцәгджәнә. Хальмг танһчин аһуд бод мал өсклһнә, энүг һарһлһна болн эд-бод кедг иим түрүн комбинат болх. Эндр өдрт тосхлтын обьектд электрокүчәр тетклһнә оборудовань белн болв, комплексин ул тосхгдв. Ода тосхачнр хойр зун минһн тоон төмр конструкц углж тәвлһнә көдлмш күцәжәнә. Нааран дәкәд нег минһн тонн том конструкц авч ирх зөвтә. Энүнә хөөн кергтә залһлдан татгдх, оборудовань углж тәвгдхмн. Көтчнрә района агрокомплексин тосхлт агропромышленн халхар эзнә инвестор орлцата түрүн иим ик төсв болжана.