Күн болх баһасн, күлг болх унһнасн

Өвкнрин кезәнә келгдсн эн цецн үгмүд дигтә эврәннь йирн насна өөнән темдглсн РСФСР-ин сурһуль эрдмин гегәрлтин йилһән сән көдләч, хальмг багш Нәмн Джавакаевна Гаряевнан келж болх.

Эн өдрмүдт Яшкуль селәнә Хальмг келнә багш Нәәмн Джавакаена эврәннь йирн насна өөнән темдглжәнә, ачта амрллһнд бәәх ачта багшан Яшкульск гимназьд тевшж йөрәжәнә. Энкр багшан йөрәхәр Танһчин булнг болһнас энүнә сурһульчнр ирв.Үдин хөөн багшнр эврәннь секәтә кичәлмүдән үзүлхр бәәнә. Эн Хальмг келнә классиг найдгч жилмүд Нәәмн Джавакаевна эврән кеерүлв. Эн хорад кесг хальмг келнә кичәл давулв. Эндр өдр болхлаг өдгә цагин некврлә ирлцүләд компьтерн эвр арһ орулад багшнр классмудан кичәлин өмн классмудан белднә. Урк жилмүдт бидн болхлаг эврә һарарн стенд бичдг биләвидн, олн зүсн соньн материал олж авад кичәлән давуллавидн.ода болхла багшнрт амр болна. Цуг дасхжах төрмүд интернетд чигн бәәнә. Энүнә Багшин хаалһ дәәнә өмн эклсмн, ашута дәәнә жилмүдт олн әмтнлә хамдан окоп малтсмн. Минһн йисн зун дөчн һурвдгч жилд Астрахань —Кизләр төмр хаалһ тосхлһнд бас орлцад эврәннь дөн нөкдән күргв. Киитн үвлин цагт салдснрт дулан беелә, өөмс өлгдг билә. Шуурч өдсн салдснрин күлт, шалвр хатхдг бәәсмн. Цуг эн күндиг дииләд һарв.

Ачта багш Нәәмн Джавакаена бийән хөвтәд тоолна. Алтн болн үрән һарһад, чик хаалһ орулад, ачнр зеенрән таалулж хәләһәд жирһж йовна.Эн цагин эргцд кесг сурһульчнрт чик уха зааж өгәд, медрлин хаалһд орулв. Дөчн һурвн жил Нәәмн Джавакаена хальмг келнә багшар көдлв, кесг Танһчин селәдг көдлх арһ чигн учрв.

Колдан Наталья, Жамбин Дмитрий