Өрән эс данцасн улсин зөөр бичж авгджана

Өрән цаглань өгтн. Хальмгин зарһин приставмуд өртә күүнә автомобиль бичж авч. Эн күн банкд зун минһн арслнг өртә бәәж. Иим кевәр өртә улсин зөөр бичж авхла, эннь олз-туста болн үлгүр болгч керг болна гиж приставмуд келнә.

Элст балһсна нег бәәрн күн банкас авсн өгья мөнгән данцах зөвтә бәәсмн. Болв цаглань өрән данцалго, зун хөрн тавн минһн арслснг өрнд унв. Аштнь приставмуд машиһинь бичж авв. Әмтнә кесн өрнә мөнгнә кемжәһәр зарһин приставмуд иим улсин зөөринь бичж авч чаджана, тер тоод мобильн телефон, автомагнитол болн автомобиль орна. Элст балһсна зарһин пристав Баснг Басанговин келсәр, кемр арвн хонгин эргцд өртә күн өрән эс данцахла бичж авсн автомобиль хулдгдх. Энүнәс хоршасн мөнгинь банкд йовулгдх.

Давсн жилд Хальмг танһчин приставмуд күсдундур минһн өртә улсин кергәр өринь некв. Йирн негн сай арслнга иим улсин зөөр бичж авгдв. Арвн негн сай арслнга зөөр хулдгдв. Хальмг танһчар зарһин приставмудын зөөрин заалтин әнгин ахлачин үүл даажах Георгий Саруновин келсәр, давн жилд өртә улсин зөөр хәәж авлһна зун арвн хойр керг күцәгдв. Тавн сай асрлнга зөөр бичж авгдв. Өртә улсин хөрн тавн машин бичж авдгла.

Келхд, хотл балһсна зарһин шиивдрәр, өр кесн нег күүкд күүнә һурвн хората патьрнь бичж авгдж. Кемр эн күүкд күн арвн хонгин туршарт өрән эс данцахла, энүнә патьрьн хулдгдх. Энүнәс һарһж авсн мөнгнь өрн данцалһн йовулгдх.

Бевина Мергн, Настан Сергей