Әәмшг уга кичәлмүд школмудт болжана

Цугәрәсән керг-үүлдврин программар Элст балһсна школмудт әәмшг уга бәәлһнә кичәлмүд болжана. Сентябрь сарин эргцд түүмр шатсн кемд яһж бийән бәрхин тускар сурюуль болх. Тим нег кичәлд мана үүдәгч баг одв.

МЧС-ин көдләчнрин көдлмшин һол төрнь — әәмшг уга бәәлһнә сурһуль дасхлһна болн бачм чинртә бәәдлд яһж үүлдхин туск төр болжана. Элстин арвн хойрдгч школд региональн заллтин инспектор шишлнг кичәл давулв. Онц улсин болн олан әәмшг уга бәәлһнә төрмүд кичәлд хәләгдв. Түүмрәс саг бәәлһнә зокал эс медхлә, түүмр шатдг йовдл учрна.

Әәмшг уга бәәлһнә кичәлд автоматическ пожарн сигнализац болн докья өгдг систем көдлв.

Багшнр, сурһульчнр болн школын көдләчнр школын герәс шишлнг үүдәр һарв. Энүнә хөөн багшнр сурһюульчнриг тоолад, энүнә тускар школын директорт тооца өгв. Сурһульчнриг школас һарһлһн бүрдәмжтәһәр кегдв. МЧС-ин көдләчин темдглсәр, эрдм-сурһулин учрежденьд бичкдүд орлцата түүмр шатсн уга.

Әәмшг уга бәәлһнә кичәл — сурһулин нег ик чинртә әнгнь болжана. Өдгә цагин школд электрокүчнә прибормуд болн оборудовань дала. Бачм чинртә бәәдлд үүмән болхла кесг күн әәмшгтә бәәдлд тусх. Тегәд күн болһн әәмшг уга бәәлһнә һол зокалыг сәәнәр медх зөвтә. Иим сурһуль талдан чигн школмудт болх.