Һашун Бурһст селәнә әмтн уудг усн угаһар түржәнә

Көтчнрә района Һашун Бурһст селәнә хөрн герин улс сүл жилмүдт уудг усн угаһар түржәнә. Уудг ус эдн района цутхлнг селәнәс хөрн дуунаһас зөөж авчана. Нег бочк усн зурһан зун арслнг күрчәнә.

Көтчнрә района Гашун Бурһст селәнд олн жилдән бәәдг күч көлснә ветеран Наймнә Һәрә жил болһн бичкн һарудтан тәрә темс зер земш тәрнә. Һан халунд хулдгас дала ус зөөх кергтә болна. Худгин усн йир һашун, энүг ууж болшго, арһ уга болад медәт хальмг цәәһән хотан худгин усар чанна.

Найн нас зүүж йовх медәтд худгас ус татад авхд йир күнд болна. Сүл жилмүдт көл өвдәд шарклна гиж медәт зовлнгарн хувалцв. Өөр бәәх әмтн бас худгас ус ууна. Өдгә цагт әмтн электрическ насосын эв арһин эрдм дасчана. Насосар худгас ус татад авхд йир амр болна.Сүл цагт әмтн әмтәхн ус Көтчнрәс хулдж авна.

Баһ наста селәнә ахлач Анатолий Зуновин келсәр ирх жилмүдт һашун бурһста селәнд ус ирх гиж күләгджәнә, энүнә төлә эн селән «Социальное развитие селә» гидн программд орх зөвтә. Өдгә цагт Агатолий Зунов шишлн проект тогтасн билә. Эн проектар гидрологическ экспедицин специалистр көдлжәнә, түүнә хөөн усна суврлжна схем тогтах-гиж селәнә муниципальн бүрдәцин ахлач Анатолий Зунов иргч зарана тускар келж өгв.

Специалистнрин тоолврар һашун һурһст ус орулхин төлә арвн һурсвн сай мөнгн кергтә болжана. Иргч жилмүдт селәнә әмтн әмтнәхн ус уух аль угай? эн цагиг дәәнә болн күч көлснә ветеран тенкән уга гидгәр күләжәнә.

Арстана Светлана, Котина Валерий