Яшалтинск района Октябрьск школын баһ наста багшнрт шангас дөн күрггджәнә

Яшалтинск района Октябрьск школын баһ наста багшнрт шангин халхас дөн күрггджәнә. Багшнр көдлмштә болсн деерән, сән таалта герт бәәнә, коммунальн халхин мөнг баһар өгчәнә.

Яшалтинск района Октябрьск дундын школд сүл тавн жилд зуг долан багш ирж көдлжәнә. Ода федеральн болн региональн халхас баһ наста специалистнриг дөннх программ бәәнә. Селәнә багшнрин келсәр, шангин халхас дөн күрггджәхнь үзгджәнә. Бичкн селәнд көдлмш олж авсн деерән, эдн бәәдг герәр теткгджәнә. Октябрьск школын орс келнә багш Рената Овкаджиеван келсәр, багшнрт сән дөн күрггджәнә. Баһ наста багшнр эн программд орлцад, зуг далн зурһан минһн арслнг күн болһн авла.

Федеральн программар Овкаджиевин өрк-бүл эврә герт ә болв. Коммунальн туслмжин мөнгин ик зууһинь шанг даажана. Тегәд чигн селәнд көдлх урмд бәәнә, иргч зура темдглж болжана. Холл селәт көдлжәх багшнр көдлмштән олн-зусн седвәр орулж өгчәнә. Ода эн школд баһ наста багшнрин клуб үүлджәнә. Клубын гешүд селәнә шкоылн сурһулин халхар седәвр татад, көдлмштән олзлжана.

Сурһульчнр эрүл-менд, бат, чанһ-чиирг болхин тускар ухалжана. Октябрьск школын физкультурин багш андрей Овкаджиевин келсәр, ода селәнд бөк бәрлдлһн делгрлт авчана. Мана сурһульчнр сән үзмж бәрнә.

Ода селәнә баһчудын Әрәсән ниицәнә сайтд орад, Әрәсән селәнә эдл-ахун министр Елена Скрынникд сурвр өгч болх. Дәкәд болхла ода селәнә багшнрт бәәрн ахлачнр бас дөн болжана. Школын директор Елена Сангаджиеван келсәр, баһ наста багшнр патьрар тетгджәнә. Октябрьский СПК һаржвр бас дөн болжана. Кимд түлән газта гермүдәр эдн тетгджәнә.

Ода Әрәсән селәдт баһ наста специалистнрт дөнцл мөнгн нег сай арлснг өггджәнә. Иим программин нилчәр селәнд багшнр одад көдлх.

Бевина Мергн, Жамбин Дмитрий