Троицкин гимназин багшнр соньн кевәр хальмг келнә кичәлмүд давулна
Өдгә цагт бичкдүд сәәнәр хальмг кел дассдгин төлә хальмг келнә багшнр ик нилчән күргнә. Троицкое селәнә Баснг Городовиковин нертә гимназин багшнр олн зүсн керг үүлдвр күцәж, бичкдүдиг соньмсулж соньн кевәр хальмг келнә кичәлмүдән давулна.
Мел иим кевәр школын багшнр чидлән нөөлго өдр болһн соньн кевәр хальмг келнә кичәлән давулна. Эн кичәлмүдт бичкдүд хальмг улсин амн үгин зөөрлә, авьяс заншалла таньлдна. Бичкдүдт соньн, өвәрц кевәр кичәлмүд ик гидгәр таасгдна.
сән сурһульчнрин тоод орна, кесг керг-үүлдврмүдт, марһаст орлцад хальмг ду дуулж, би чигн биилж, домбр цокч билг эрдмәрн олыг байрлна.
Үвлин амрллһна өдрмүдт бичкдүд гертән эк-эцкнрлә, ээж — аавнрла хамдан хальмг бичәчнрин бичсн кесг шүлгүд, магталмуд дасч ирв.
Олн жилмүдин эргцд эн гимназьд багш Боован Раиса көдлжәнә, Эн күүкд күн бичкн цагасн авн багш болхар зүткв.Тегәд күслдән күрәд эндр өдр кесг баһчудыг сурһв.
Багш Раиса Борисовна көдлмштән тест олзлж кичәлән соньн кевәр давулна. Бичкдүдт иим көдлмш йир таасгдна, эдн дамшлтан, медрлән, эрдмән сән кевәр узулнә. Дәкәд болхлаг диг-даратаһар бәәхд туслна. Энүнә сурһульчнр жил болһн школын, балһсна, танһчин марһаст орлцад нүүрлгч орм эзлнә.
Багш бичкдүдлә ээлтә болх зөвтә, шүүж авсн эрдмдән дурта, бичкдүдт дурта болхла сурһулин—сурһмжин керг нег үлү уралан девшәхнь маһд уга.
Аджин Светлана, Бадмаран Владислав
