13 июля, 07:23
 33 °C
80,27
71,23
  • АВТОНОМИЯ2
  • АВТОНОМИЯ3
  • МЫ ВМЕСТЕ 2020
  • АВТОНОМИЯ4
  • ВЕСТИ
  • АВТОНОМИЯ 100 ЛЕТ
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Танһчин полицин көдләчнр Ар Осетьд церглжәнә

Хальмг танһчин МВД-н көдләчнр хөрн жилдән Ар Осетьд диг-дара харлһна церглт күцәжәнә. Йирн хойрдгч жилд энд болн зеткртә йовдлмудын хөөн мобильн отрядын хань тогтагдсмн. Әрәсән булнг болһнас нааран дотр-дундын кергүдин офицермуд ирж церглжәнә. Ода Әрәсән өмн үзгин межәд хальмгин полицин көдләчнр төвкнүн бәәдл теткжәнә.

Ар Осетин болн Ингушетин межәд Хальмгин полицин көдләчнр Осетин болн Ингушетин полицин көдләчнрлә хамдан церглжәнә. Хальмгин МВД-н мобильн отрядын көдләчнр өрүн зергләнд зогсжана. Эднлә хамдан Әрәсән цуг регионмудас тер тоод Московск болн Мурманск областьмудас, Якутяс болн Удмуртяс болн талдан чигн регионмудас полицин отрядмуд церглжәнә. Зурһан сарин эргцд хальмгин полицин көдләчнр олна диг дара харлһна халхар бүртклһ кенә, антитеррористическ керг-үүлдврмүдт орлцна. Ода Хальмг танһчин МВД-н негдсн отряд Владикавказ балһсна аһуд, Тарское селәнд болн талдан чигн селәд-поселкст церглһнә даавран күцәжәнә.

Ар Осетин респуюликин полицин көдләч Мурат Гоцоевин келсәр, ода энд бәәдл төвкнүн. Церглт диг-дарата. Хальмгинг көвүд йир сән. Эднлә нәәж болвидн. Йир дааврта көдләчнр.

Элст балһсна патрульн постын церглтин салу батальона сержант Артем Хулхачин Ар Осетьд түрүн болж церглжәнә. Тегәд зурһан сарда энд церглх болзг энүнд дегд удан цаг гиж сангдна. Гертнь энүг өөрхн улснь болн элгн-саднь күләжәнә. Талдан халхаснь иим удан командировк ик дамшлт хоршахд сән нилчән күргнә, хамдан церглжәх улсин өмн ик даавр ухалж санхд дөн болна.

Ар Осетьд церглжәх полицин көдләчнрт бәәцин цуг таал бүрдәгдв. Тер мет сул цагт олн-зүсн сойлын керг-үүлдврмүд кегднә. Отрядын командир Вадим Лиджиевин келсәр, хальмгин полицин көдләчнр спортивн марһаст орлцад, оньдин дииләчнрин болн призермудын тоод орна. Хальмгин МВД-н негдсн отряд тогстн авьясар сәәнәр цергләд, өөдән темдг авна.

Хальмгин МВД-н полицин негдсн отрядын командир Вадим Лиджиевин келсәр, эн өрәлин жилин эргцд март болн апрель сармудт антитеррористическ онц кемжән тогтагдв. Энүнд мана отрүдчн көдләчнр орлцла. Иим керг-үүлдврт түрүн болж орлцв. Көүдвт йир күнд болв. Мартын нег шин киитн болв. Көдләчнр палаткмудт бәәв. Хөрн хонгтан кеер уулд һардг билә, окоп малтв. Цуг көвүд даалһвран күцәв. Эднд ханлтан өргжәнә.

Сүл хөрн жилин эргцд энд хальмгин полцин көдләчнр церглсн цагт олн-зүсн зеткртә йовдлмуд учрсмн, тер тоод зәрм көдләчнр әмнәсн хаһув. Энүнә тускар цергә әнгин аһуд әмнәсн хаһцсн көдләчнрт тәвгдсн бумб ил герч болжана. Эднә санлыг тодлхар Ар Осетьд Хальмг танһчин дотр-дундын кергүдин министр Баатр Гиндеев ирв. Энд цергләд, әмнәсн хаһцсн хальмгин полцин көдләчнрин нерд Владикавказ балһсна Баатрмудын аллейд бәәх санлын эрснд алтн үзгәр бичәтә.

Бевина Мергн, Хулхачин Николай

 Вступайте в нашу группу Вконтакте!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия