Сурһульчнрин сүл нәр школмудт болв
Школан төгсәсн көвүд-күүд сүл нәәрт орлцв. Сурһульчнриг аттестат авснлань эк-эцкнрнь болн багшнрнь йөрәв, эднә төлә байрин концерт болв, салют кегдв. Хойр дунддур минһн баһчуд сөөннь дуусн нәәрләд, өрүн эрт нарн һархиг тосв.
Ик-Буурла района Орһахн селәнд Хальмг танһчин толһач Алексей Орлов кезәнк автомобиль залж ирснь селәнә улст ик өврмж болв. Тогтсн авьясар региона һардач селәнә бәәрн медәтнрлә харһад күүндв. Энүнә хөөн дәәнә цагт әмнәсн хаһцсн салдснринбумбд цецгүд тәвв. Дарунь селәнә школ төгсәсн сурһульчнриг йөрәв. Танһчин толһач Алексей Орловин һарас аттестат авснь баһчудт ик бахмж болв. Сурһульчнрин тоолврар, иим ик күндтә гиич эднә байрт орлцад, жирһлин хаалһд оржах баһчудт йөрәлин үг келснь ик күндтә йовдл болв. Хальмгин толһач эврәннь үлгүрәрн жирһлин хаалһд яһж күцәмж бәрхинь баһчудт үзүлжәнә.
Хальмгин толһач Алексей Орловин келсәр, дамшлт икәр хоршах, гүн медрл авх кергтә. сурһуль дасад гер талан хәрж ирхлә сән болх. Энкр танһчан босхж авх кергтә. Ода көдлжәх улст джөн болхвидн.
Сүл цагт селәнә школмудт сурһульчнрин то зөвәр баһрв. Үлгүрнь, эн жил Орһахна дундын школыг зуг арвн дөрвн көвүн-күүкн төгсәв. Эннь сүл цагт хамгин ик то болв. Келхд, Маныческ болн Зундунск школыг эн жил зуг дөрвәһәд баһчуд төгсәж, Чолун Хамр селәнә школд арвн негдгч класс зуг хойр сурһульч сурв. Тер бийнь баһчудын сүл нәр-нааднд эннь үлмәһән күргсн уга. Школан төгсәсн баһчудт нертә артистнр, тер тоод дуучнр болн биичнр билг-эрдмән нерәдв.
Эн асхән ке-сәәхн баһчуд байр т сән белдвр кеһәд, сәәхн хувц-хунр өмсәд, икәр байрлв. Ода эдн жирһлин ут-хаалһдан оржана. Арвн негн жилдән хамдан сурсн көвүд-күүкдлә, багшнрла энкр школла салхд невчк гейүртә болна гиж көвүд-күүкд келнә. Эн көвүнә келсәр, школд нәжнртә болв, багшнр жирлһин хаалһ шүүж авхд дөн болв. Школ нанд таасгдв, энд нег өрк-бүл кевтә бәәләвидн. Эднлә салхд күнд болжана гиж эн келв. Школд дурта эрдәмн шүүж авч. Информатикин багш иим эрдмәр сурх сана орулв. Эннь нөкд болв. Программист болх саната. Эн күүкнә келсәр, ода бичкдүдин цаг төгсв, ода бөдүн улсин жирһл эклжәнә.
Татьяна Олюшева бәәрн школд туужин багш болж һучн жилдән көдлжәнә. Жил болһн школан төгсәсн баһчудыг үзхлә, чеежнь бахмжар дүүрнә. Школын сурһульчнрин ик зунь района болн танһчин олипиадмудт орлцад, дииләчин болн призермудын тоод орна. Нәр-наадна йовудт эднд ачлрвмуд бәрүлж өггдв. Онц келхд, селән школ төгсәсн тоомсрта улсин туужин тускар музейд таньлдж болхмн.
Орһахна школын багш Татьяна Олюшеван келсәр, жил болһн школан төгсәсн көвүд-күүдлә салхд гейүртә болна. Эн көвүд-күүкдлә шинжлтын көдлмш кеж. Жил болһн арвн негдгч класс социальн төсв күцәх авьяс бәәнә. Эн жил эдн Делай бодро и дари его людям нертә программ күцәгдв. Эврәннь төрскн һазрин болн келн-улсин туужар баһчуд ода соньмсжана. Эннь сән керг гиж багш келнә.
Баһчудын нәр-наадна чилгчәр тогтсн авьясар сүл школьн вальс көвүд-күүкд биилв. Тер мет баһчуд талдан чигн көгжмин билг-эрдмән үзүлв. Нәр-наадна йовудт баһчудт шоглад байртаһар нәәрләд шуугв. Эн нәр-наадн школд эднә сүл байр болв. Эн цагас авн эдн бөдүн жирһлин хаалһд оржана.
Ээнән Ольга, Хавтхна Анатолий
