1 июня, 20:10
 15 °C
77,64
69,71
  • ВЕСТИ
  • МЫ ВМЕСТЕ 2020
Анонс
  • Вести «Калмыкия»: смотрите ежедневно на телеканале «Россия 1»
  • Главные новости Калмыкии в еженедельном выпуске «Местное время. Воскресенье»
  • Слушайте Радио России — 102,7 FM

Перинатальн цутхлнгд экнрт цуг таал бүрдәгдв

Хальмг танһчд нилх төрлһнә то өнгрсн улсин тооһас ик болв. Сүл цагт нилх төрлһнә то икдв. Элст балһсна төрлһнә герт гиигрсн экнр энд ик сольвр болв гиж келжәнә. урднь палатмудт халун усн уга билә, палатмудт арваһад кү кевтүлдг бәәсмн. Ода болхла хошаһад күн бәәнә, бәәцин цуг таал энд бүрдәгдв.

Икр хойр күүкн төрәд зуг нег долан хонг болв. Гертән хәрх кергтә гиж экнь инәмсклж келнә. Наталья Рвачеван келсәр, нилх төрлһнә өмн энүнә эрүл-менд му болад бәәв. Перинатальн цутхлнгд эмчнрин хәләврт орда, кергтә эмнүлһ авсна хөөн, гем уга сәәнәр гиигрв.

Наталья Рвачеван келсәр, икр нилх сән чиннүртәһәр төрв. Ода эдн цугтан эрүл-менд. Бийнь бас гем уга сән.

Тер мет Ирина Лупиногина эн төрлһнә герт цуг кергтә эмнүлһ авсмн. Энүнә нилх му өсжәнә гиж эмчнр келсмн. Экин гесн дотр бәәх нилхиг эмчнр эмнүләд, эрүл-мендинь ясрулв. Нилх сән чиннүртәһәр болн чанһ-чиирг төрв. Ирина ода ик байрта бәәнә.

Ирина Лупиногина келсәр, ода эрүл-менднь сән, энд гиигрсндән байрлжана.

Элст балһсна төрлһнә герт урднь нилхрсн улсин келсәр, энүнд сән талд хүвртл кегдж. Һурвн-дөврн жил хооран палатмудт халун усн уга бәәсмн. Нег палтад тавн-зурһан күүкд күн кевтдг билә. Ода болхла палатд хошаһад күн бәәнә. Энүнд цуг бәәцин таал бүрдәгдв. Нилхтә экнрт хамдан бәәхд цуг таал бәәнә.

Наталья Рвачеван келсәр, урднь энүнд тас талдан бәәдл билә. Ода цутхлнг шинрүлгдж ясгдв.

Сүл дөчн жилд энүнд капитальн ясвр кегдв. Эннь эрүл-менд харлһна халх шинрүлһнә программар кегдв. Федеральн бюджетас йилһж өгсн мөнгиг Элст балһснд төрлһнә герт эврәннь перинатальн цутхлнг бүрдәх шиидвр авгдв. Нег жил болад шин цутхлнг секгдв. Тиигхд цутхлнг барин бәәлд секлһнд орлцсн улс шин учреждень секгдв гиж байрлв. Цутхлнгин арвн әнгд өдгә цагин некврлә ирлцәтә оборудовань көдлжәнә. Эн шин оборудованиг одахн углж тәвж. Ода хальмгин эмчнр экин гесн бәәх нилхин гем эрт болзгт илткж авх арһ бәәнә.

Медико-генетическ әнгин һардач Вера Ушанован келсәр, нилхиг шинжләд, геминь йирн йирн тавн процентд чик болж илткгднә. Экин геснд бәәх нилхиг эрт болзгтнь немин илктж авх арһ учрв.

Тер мет бичкн чиннүртә нилхиг харсһж авлһна аппаратмуд көдлжәнә. Тавн зун нег килограмм чиннүртә нилхиг асрж хәләж авч болна. Хойр минһн арвн хойрдгч жиләс авн иим нилх хордг нилхин тоод ордг бәәсмн. Иим нилхиг урднь чигн асрж авдг бәәж. Ода болхла шин оборудовань углж тәвснә хөөн эмчнр эн тускт сән күцәмжтәһәр көдлх арһ учрв.

Әәдрхн балһсна бәәрн күүкд күн Деля Очирова Элст балһснд гиигрхәр шиидв. Чик шиидвр гиж эн келнә. Энүнә күүкн невчк эрт бичкн чиннүртәһәр төрж. Ода Дарина күүкнь эмчнриг таньдг болв, эрүл-менднь ясржана.

Перинатальн цутхлнгин ах эмч Тамара Ермошкаеван келсәр, ода Хальмг танһчд нилх төрсн бичкддүин тө әмтнә өнгрсн тооһар ик болв. Ода нилх төрлһнә то зөвәр өсв. Давсн жилд хойр минһн зурһан зун жирн нилх төрв. Эн жилин һурвн сарин эргцд давсн жилин эн кемлә дүнцүлхлә далн нилхд ик болж һарв.

Ода экнр эврәннь перинатальн цутхлнгд гиигрхәр седх гиж эмчнр иткжәнә. Урднь экнр талдан регионд одад гиигрдг билә. Нег жилд цутхлнгд һурвн минһн эк гиигрж чадх.

Чучян Валентина, Эрнжәнә Эрднь

 Следите за новостями в Instagram!
Другие новости по теме
Вперёд
Социальная сфера

Политика

Образование

Культура

Спорт
Здравоохранение
Экономика
Происшествия