Олн-әмтнә билг-эрдмин «Эрдм» ансамбль бүрдснәс авн 27 жил давсмн

Олн-әмтнә билг-эрдмин «Эрдм» ансамбль бүрдснәс авн 27 жил давсмн. Эн цагин эргцд ансамблин орлцачнр зуг Әрәсән олн һазр бәәтхә кесг һазадын орн-нутг эргж олн-әмтиг хальмг олн-әмтнә билг-эрдмлә таньлдулсмн. Өцкүлдүр Пальмовин нертә келн-улсин музейд ансамблин ах-үй орцачнр баһчудла харһв. Харһлтин йовудт эдн кесг соньн тоот баһчудт келж өгәд, төрскн келндән, ду-биидән оньгтусхах селвг өгцхәв.

«Эрдм» ансамблиг зуг мана танһчин улс биш талын һазрин әмтн бас меднә. 27 жил хооран эврәннь үүлдврән эклв. Тер цагас авн эн коллективин орлцачнр шунмһа кевәр олн-зүсн керг-үүлдврмүдт орлцжана. Ода энүнә ханьд 26 күн орна. Хамгин ах гисн 78 наста. Ансамблин һардач Виктор Питкеевин келсәр, цуг эн әмтн көгжмин эрдм уга, тер бийнь эдн ду дуулхд, биилхд йир дурта.

Виктор Питкеевин келсәр, эндр ирсн әмтнлә мана күүндр соньн болж медгдв. Цааранднь чигн тиим харһлтс кех зуратавидн.

Ансамблин артистнр улан залата хальмгудын кезә3к авьясмуд сергәж йовна, ут дуд дуулна. Эн жилмүдин эргцд әмтиг хальмгин амн үгин зөөрлә, сойлла таньлдж йовна. Эн өдр музейн ирсн баһчуд ансамблин туужин тускар соньмсв. Көгжмин заалд болдг харһлтс сән авьясд тохрв. Тиим соньн керг-үүлврмүдин йовудт ансамблин орлцачнр эврәннь хәләһәчнртә харһад, күр-күүндвр кеһәд, цаган соньн кевәр давулна.

Пальмовин нертә келн-улсин музейн директор Светлана Оконован темдглсәр, иим харһлтс мана хальмг сойл делгрүлһнд сән нилчән күргнә.

Хамгин ик байр ансамблин орлцачнрт Элст балһсна 10 гч тойгта бичкдүдин садын көвүд-күүкд үүдәв. Баһ наста билгтнр хальмг улс 1812гч жилин дәәнд орлцсна туск наадн үзүлв.

Ода Эрдм нертә ансамблин дуд нарт-делкән фестивальмуд со3сж болх.

Дмитриеван Татьяна, Хулхачин Николай