Олн үртә өрк-бүлмүд һазрин участк авв
Правительствин барин церглтин зәнглсәр, энүнә төлә зура батлж авгдв. Дәкәд нег тодлад келхлә, олн үртә өрк-бүлмүдт Элст балһсна һурвн һазрт, Троицкое болн Яшкуль селәдт һазрин участкс йилһж өггдв. Эн жил болхла иргч көдлмшин проектн-сметн документац белдж авгдх. Иим керг-үүлдвр хойр минһн арвн һурвдгч — хойр минһн арвн доладгч жилмүд күртл жилишн тосхлтын делгрлин госпрограммар күцәгджәнә. Иргч жилд энүнә төлә зун негн сай арслнг йилһж өггдх, тер тоод тәвн сай арслнг танһчин хазнас ирх, үлдснь мөнгиг бәәрн бюджетмуд даах зөвтә. Июлин нег шинд олн үртә нег минһн зурһан зун тәвн дөрвн өрк-бүл һазрин участк авсмн.
Дигтә эн төрәр мана сайтд сурвр өггджәнә. Льгтон категорин улст һазрин участк өгсн райодт ямаран көдлмш кех кергтә?
Хойр хәрүһәс негинь шүүж автн. Негдгч хәрү — хамгин түрүнд иим участкмудт усна, газин сурвлж татх кергтә, канализац орулх төр тәвгджәнә. Хойрдгч хәрү — хамгин түрүнд социальн обьектмуд бәрх кергтә, тер тоод бичкдүдин садмуд, школмуд, спортивн плошадкс, поликлиник, автобусмудын зогсалмуд болн хаалһ бәрх кергтә. Мана сайтд орад ухан-тоолвран медүлж чаджанат. Сурлһна ашиг асхни һарцдан диглхвидн.
