Келн-улсин музейд соньн һәәхүл секгдх

Хальмг танһчин зургудын галерейд Отражение света! Буддизм в творчестве художников нертә һәәхүл көдлмшән эклв. Элст балһсна, Ставрополин, Санкт-Петербургин хөрн тавн зокьялч эврәннь көдлмшән үзүлх. Тер тоод буудийск шүтә үүдәдг, зург зурдг болн скульптур кедг эрдмчнр үүдәврмүдән тәвх. Тер мет хальмг улсин алдр дуулвр Жанһрин шин дегтрт зурсн зургуд болн Элстин цутхлнг хурл кеерүлжәх шүтә үзж болх. Дәкәд болхла эврәннь үүдәврмүдән нертә зурачнр Александр Поваев болн Николай Шиняев үзүлх. Тер мет Татьяна Дорджиеван болн Дорж Вангчукин көдлмш һәәхүлд һол орм эзлжәнә. Энүг эрдмчнр минеральн шир болн алтн утц олзлж зурж. Буддийск шүтә үүдәдг эрдмчнр түрүн болж иим көдлмшән һәәхүлд үзүлжәнә.