Олимпийск һал тослһнд белдвр кегджәнә

Элст балһснд олимпийск һал тосж авч йовх зун найн волонтермудт цуг даалһврмуд өггдв. Бүрдәмжин комитетла болсн харһлтд көдлмшин зура батлж авгдв. Хальмг танһчд олимпийск һал оютнр, көдләчнр, ах классмудын сурһульчнр болн талдан чигн олн улс авч йовх. Дәкәд нег тодлад келхлә, олимпийск һал Элст балһснд январин хөрн тавн ирх.

Хальмг танһчин спортын, туризмин болн баһчудын региональн министерствин баһчудын цутхлнгин элчнр вололнтерск жисәнә шунмһа орлцачнрт ханлтын бичгүд бәрүлж өгв. Эннь оютнр, ах классмудын сурһульчнр, көдләчнр болн талдан чин баһчуд ут-тоодан зун найн күн. Хальмг танһчд олимпийск һал тослһна байрт орлцх.

Баһчудын, спортын министерствин ах специалист Эрдни Сангаджиевин келсәр, эн жилин эргцд күн болһн волдонтерск жисәнд орлцж чадх гиж зар өгнс бәәж. Эн халхар дамшлт хоршасн баһчуд, һазадын ордудын кел меддг көвүд-күүкд хамгин түрүнд авгдв. Ут-тоодан хойр зун арвн күн эрлһ орулж өглә.

Хальмгин университетин негдгч курсын оют, журналдистын эрдм дасжах көвүн Арслнг Алиев иим ик чинртә спортивн керг-үүлдвр яһж болхин тускар оданас авн ухалжана. Энүнә тускар эврәннь нәәжнртән келж өгчәнә. Иим керг-үүлдвр мана танһчин бәәдл-жирлһд ик чинртә керг-үүлдвр болх зөвтә.

Волонтер Арслнг Алиевин келсәр, ик ик чинртә керг-үүлдврт орлцхд ик күндтә керг болжана. Ик бахмж болжана.

Цуг эн көвүд-күүкд эднд өгнс даалһвриг күцәх зөвтә. Эднә ик зунь Элст балһснд болх керг-үүлдврт орлцх. Талдан баһчуд Яшкульд көдлх. МАЭП-ин оютн Евгений Проха Элст балһснд көдлх баһчудын тоод йовна.

Волонтер Евгений Проха келсәр, волонтермуд яһж көдлдгинь меднә. Кемр әмтнд нөкд кергтә болхла дөн күргх кергтә.

Волонтермудын көдлмш зурһан халхар бүрдәж давулгдх. Эннь көлгн-күчнә халхар үүлдх, олнд зәнглһнә эв-арһсин көдләчнрлә хәрлцә бәрлһн, хотл балһсна байрин керг-үүлдврмүдт орлцх, талдан чигн көдлмш кех. Ут-тоодан олимпийск һалын бамбриг жирн тавн күн авч йовх. Тер тоод ВГТРК-н филиалын директор Михаил Ткачев. Күн болһн хойр зун метрт гүүх. Элст балһснд олимпийск һал өрүн нәәмн часас авн төмр хаалһин станцас экләд авч йовгдх. Энүнә хөөн энүг хотл балһсна цутхлнг тавлнгд авч ирх. Арвн дөрчн часла олимпийск һал Әәдрхн балһснд һарч йовх. Зуурһан һал Яшкуль селәнд давж һарх. Энүнд энүг байрин бәәдлд тосх. Келхд, Әәдрхн балһснд олимпийск һал автомобиляр күрх. Февралин долан олимпийск һал Сочи балһснд күрхмн.

Хавтхна Элла, Хулхачин Николай